Telegram'га янги функциялар қўшилди!

Telegram'га янги функциялар қўшилди!

Telegram'нинг узоқ кутилган янгиланиши ваниҳоят етиб келди. Android ва iOS учун иловалар 8.9 версияга янгиланди ва у қуйидаги ўзгаришларни ўз ичига олади.

Махсус анимацияли эможилар

Ушбу янгиланиш билан Telegram ўзининг барча учун очиқ бўлган анимацияли эможи платформасини ишга туширганини эълон қилди. Эндиликда исталган фойдаланувчи ўзи яратган анимацияли эможиларни @Stickers боти орқали Telegram'га юклаши мумкин.

Янги анимацияли эможиларни ўз хабарларингиз матнига қўшсангиз бўлади ва улар юборилганидан кейин ҳам матн ичида анимацияланиб туради. Telegram Premium эгалари ҳар бири уникал қаҳрамонларга эга ўнлаб эможилардан ташкил топган ва жами 500 дан ортиқ дастлабки 10 та махсус эможилар тўпламидан фойдалана олишади. Лекин, оддий Telegram фойдаланувчилари ҳам ўзларинининг Сақланган хабарлар чатида уларни синаб кўриш учун бепул фойдаланишлари ҳам мумкин.

Махсус интерактив эможилар

Махсус тўпламдаги кўплаб машҳур эможилар тўлиқ экран эффектига эга - чатда уларни бир ўзини жўнатинг ва шунда унинг босганингизда интерактив хусусиятини кўришингиз мумкин.

iOS учун иловада янги стикер, GIF ва эможилар панели

Эндиликда iOS учун Telegram иловасида стикерлар панели Android, веб иловалар ва компютер дастурида бўлгани каби стикерлар, GIF'лар ва эможилар учун алоҳида саҳифалар билан янги кўринишга эга.

Маълум бўлишича, энди барча иловалардаги GIF бўлими турли хил филмлар ва шоулардан олинган минглаб юқори сифатли GIF'лар билан бойийди.

Овозли хабарлар учун махфийлик созламалари

Энди Premium обунасига эга дўстингиз ёки танишингизга овозли ёки видеохабар юбора олмаслигингиз мумкин, чунки энди уларнинг махфийлик созламаларида кимлар овозли ёки видеохабар юбора олишини бошқариш имконини берадиган янги функция бор.

Бироқ, агар уларга яхши дўст бўлсангиз улар сизни истисно қилишлари ва ўзларининг оқ рўйхатларига ҳам қўшишлари ҳам мумкин.  

Telegram Premium'ни ҳадя қилиш

Агар сиз Telegram Premium фойдаланувчиси бўлсангиз ва унинг ажойиб функцияларидан бошқа яқинларингиз ҳам фойдаланиши истасангиз, энди уларга 3, 6 ёки 12 ойлик обунани чегирма нархида совға қилиш имконига ҳам эгасиз.

Бунинг учун ҳадя қилмоқчи бўлган одамингиз профилини очинг ва уч нуқтали тугмани босиб, Telegram Premium'ни ҳадя қилишни босинг. Ўзингиз истаган муддатни танлаб тўловни амалга оширинг ва совғангиз чатда анимацияли ҳадя қутиси кўринишида пайдо бўлади. 

Компютер учун Telegram ёки Android учун Telegram веб-сайтидан юклаб олинган Telegram Direct эгалари Premium обунани совға қилиш учун @PremiumBot ботидан фойдаланишлари мумкин.

Кўпроқ интерактив эможилар ва янги реакциялар

Оддий Telegram фойдаланувчилари учун ҳам тўлиқ экранли эффектга эга интерактив 🍌🤨⚡️💔🏆😐 эможилари янги қўшилган бўлиб, Premium эгалари улардан хабаларга реакция беришда ҳам фойдаланишлари мумкин.

Шунингдек, энди ушбу янгиланиш билан Android ва компютер учун Telegram иловаларида Emoji 14.0 (юқоридаги суратдаги эможилар) қўллаб-қувватланади. 

Барча ўзгаришлар ҳозирча шулар. Telegram иловангизни Google Play Store ёки App Store орқали янгиланг ёки агар компютерда бўлсангиз Созламалар бўлимидан янгиланишни келганини текшириб кўришингиз мумкин.

ЎҚИНГ: Ўзбекистонда Galaxy Z Fold/Flip4 нархи қанча ва қандай қилиб уларга олдиндан буюртма бериш мумкин?