Telegram'ни янгилашга шошилманг - бошқа ишламай қолиши мумкин!
2019 йил 1 сентябрдан бошлаб Telegram тармоғининг десктоп версияси эски дастурий тизимлари ўрнатилган компютер ва ноутбукларда ишлашдан тўхтайди.
Компаниянинг айтишича, Windows XP, Windows Vista, OS X 10.6-10.9 дастурий тизимларини қўллаб-қувватлаш тўхтатилади. Windows ва OS X’нинг янада эски версияларида мессенджер аллақачон ишлашдан тўхтаган.
Сентябр ойига қадар Telegram десктоп версияси яна бир неча марта янгиланишга эга бўлади ва шу янгиланишлардан сўнг, юқорида айтиб ўтилган тизимларда ишлашни бас қилади. Агар сиз ушбу дастурий тизимлардан фойдалансангиз ва одатий тарзда Telegram'дан фойдаланишни истасангиз, янгиланишларни ўрнатишга шошилманг ва эски версиядаги иловани ишлатишда давом этаверинг.
ЎҚИНГ: ТераТармоқ: Telegram каналимизда сўровнома, мухлислар учун гуруҳ ва Youtube'даги соврин ғолиби
