Telegram'нинг навбатдаги янги версияси шу ерда!

Telegram'нинг навбатдаги янги версияси шу ерда!

Кутилганидек, Telegram бир қанча янги функциялар билан Android'да 9.5, iOS'да эса 9.4.3 версиясига янгиланди. 

Қувват тежаш режими

Ҳозирда Telegram'да анимациялар шу қадар кўпки, улар билан смартфонингиз қуввати тез тугаб қолишини ёки секин, қотиб ишлашини кузатишингиз мумкин. Telegram ҳам айнан шуни ўйлаган ҳолда ушбу янги версияда "Қувват тежаш" режимини қўшди. Бу билан сиз Telegram'даги стикер, эможи ва бошқа муайян анимацияли эффектларни ўчириб қўйишингиз мумкин.

Қувват тежаш режими Созламалар менюсидан жой олган.

Ижро тезлиги созламалари

Энди овозли хабарлар ва видеоларнинг ижро этилиши ёхуд қўйилиши тезлигини 0.2х дан 2.5х гача тезлик орасида слайдер орқали 0.1х да ўзгартиришингиз мумкин. Бунда овозли хабарлар учун слайдерни 2х ни босиб туриш орқали, видеоларда эса ўнг юқори бурчакдаги уч нуқтани босиш ва пайдо бўлган менюдан Ижро тезлигини танлаш кифоя.

Ўқилган хабарлар учун вақтлар

100 тадан ошмаган обуначилари бўлган гуруҳларда сиз кимлар хабарингизни ўқиганликларини кўришингиз мумкин. Бунга қўшимча тарзда энди хабарларингизни кимлар айнан қачон ўқиганликларини ҳам билиб олишингиз мумкин бўлади.

Гуруҳга таклиф ҳаволаларини автоматик жўнатиш

Агар дўстингизни у ўзи созлаб қўйган махфийлик созламалари сабаб бирон гуруҳга қўша олмаётган бўлсангиз энди уларга ўша вақтнинг ўзидаёқ гуруҳга қўшилиш ҳаволасини юборишингиз мумкин.

Қолаверса, энди iOS фойдаланувчилари энди бир тугмани босиш билан папкадаги барча хабарларни ўқилган қилиб белгилашлари, хабарларни узатаётганда папкалардан тўғри чатни тезда топиш учун фойдаланишлари мумкин бўлади. Telegram'нинг маълум қилишича, бу ўзгаришлар кейинги янгиланишларда Android иловаси учун ҳам тақдим этилади.

Шу ва бошқа кичик ўзгаришлар ва албатта, янги анимацияли эможилар тўплами, интерактив эможилар ва реакциялар билан Telegram'нинг навбатдаги янгиланиши барча учун тарқатилмоқда. Android эгалари ушбу функциялар билан янгиланган Telegram'ни Google Play орқали ёки тўғридан-тўғри Telegram'нинг ўзидан юклаб олишлари мумкин. iOS фойдаланувчилари эса Аппле янгиланиш текширувини якунлашини кутишлари керак бўлади.

Сайт янгиликларидан доимий хабардор бўлиш учун Телеграм каналимизга қўшилинг!