Terabayt.uz – Миллий интернет танлови финалида
Жорий йилда тўртинчи маротаба ўтказилаётган “MIT.uz” — миллий интернет танловининг финалчилари номи эълон қилинди. Танловда 14 ёшдан 30 ёшгача бўлган веб дастурчи, дизайнер, робототехник, журналист ҳамда блогерлар анчадан буён фаолият кўрсатаётган ёки 2015 йил 1 июлгача интернет тармоғига жойлаштирилган сайтлари билан иштирок этишди.
Бу йилги танловга 1249 та ариза келиб тушгани, танлов ғолиблари 21 ноябрь куни эълон қилиниши ҳақида аввал хабар берган эдик. Айрим ташкилий масаларнинг ҳал этилиши маълум вақтни ва саволларга ойдинлик киритишни талаб этгани боис финалчилар номини эълон қилиш тўрт кунга кечикди. Ташкилотчилар юзага келган ҳолат учун узрини маълум қилди, дея ёзади Tafsilot.uz.
— Танловга қизиқиш йилдан-йилга ортиб бормоқда, — дейди “Камолот” ЁИҲ Марказий кенгаши АКТ бўлими мудири Алишер Тожиев. — Масалан, 2015 йили саккиз юздан зиёд ариза қабул қилинган бўлса, жорий йилда бу кўрсаткич 1249 тани ташкил этди. “MIT.uz”га асос солингандан буён келиб тушган жами аризалар сони эса 4449 тани ташкил этади. 2013—2015-йилларда 82 нафар иштирокчи совриндор бўлган. Бу йилги тақдирлаш маросимидан сўнг уларнинг ғолиб ва совриндорлар сони янада кўпаяди.
Шуниси эътиборлики, танлов қатнашчиларининг ишланмалари ўтган йилларникига қараганда анча сифатли ҳамда техник жиҳатдан юқорилаб боришини кузатиш мумкин. Бу эса танловнинг ўз олдига қўйган мақсадларига эришаётганини англатади. Қувонарлиси, бу йилги танловга тақдим этилган сайтларнинг 784 таси жорий йилда ишга туширилган.
Танловнинг расмий веб-сайтида 2016 йилда ўтказилган “MIT.uz” — миллий интернет танловининг финалчилари номи эълон қилинди. Қуйида 11 та асосий номинация бўйича финалга чиққан сайтлар билан танишишингиз мумкин:
“Ўзбекистоннинг бой маданияти ва санъати, тарихи ҳамда истиқлол ғоялари ва маънавий қадриятларини ёритувчи энг яхши сайт” номинацияси бўйича финал иштирокчилари:
mehrob.uz bukhari.uz
chakchak.uz biography.uz
shosh.uz arboblar.uz
meros.uz sohibqiron.uz
tarix.uz uznations.iutlab.uz
“Маҳалла, қишлоқ ва шаҳарлардаги фаровон ҳаётни ёритган энг яхши сайт” номинацияси бўйича финал иштирокчилари:
samcity.uz andijonsadosi.uz
tashrif.uz samarkandcity.uz
sahifa.uz yurtim.zn.uz
buxcity.uz iqbol.uz
shosh.uz goroda.uz
“Давлат тилидаги энг яхши сайт” номинацияси бўйича финал иштирокчилари:
oriftolib.uz constitution.uz
gulruxsora.uz hikoya.uz
ertak.uz mulohaza.uz
latifa.uz ayol.uz
farzand.uz texnoman.uz
“Энг яхши янгиликлар сайти” номинацияси бўйича финал иштирокчилари:
telegraf.uz tafsilot.uz
uznews.uz terabayt.uz
sof.uz likeit.uz
kruz.uz qalampir.uz
zamin.uz gooper.uz
“Давлат бошқаруви соҳасидаги энг яхши сайт” номинацияси бўйича финал иштирокчилари:
elections.uz uzgeolcom.uz
uzedu.uz insonhuquqlari.uz
mehnat.uz uzavtoyul.uz
mvd.uz legprom.uz
mitc.uz oziq-ovqat.uz
“Фан ва таълим соҳасида энг яхши сайт” номинацияси бўйича финал иштирокчилари:
itportal.uz orbita.uz
texnoman.uz kids.gov.uz
istudent.uz 1-avgust.uz
qmii.uz englishlife.uz
mylingvo.uz aim.uz
“Йил мазмунига доир энг яхши сайт” номинацияси бўйича финал иштирокчилари:
uzbaby.uz mehridaryo.uz
oilam.uz bolajonim.uz
ayol.uz gulxan.uz
farzand.uz yoshoila.uz
“Тиббиёт соҳасидаги энг яхши сайт” номинацияси бўйича финал иштирокчилари:
vitamed.uz avitsenna.uz
askdoctor.uz sotma.uz
kliniki.uz dentamed.uz
webstom.com
Ушбу финалчилар орасидан ҳар бир номинация бўйича 3 тадан ғолиб ва совриндорлар саралаб олинади. Қўшимча номинация бўйича финал иштирокчилари тақдирлаш маросимидан 3 кун аввал эълон қилинади. Тақдирлаш маросими 12 декабрь куни бўлиб ўтиши режалаштирилган.
Эслатиб ўтамиз, “MIT.uz” танловининг 2016 йилги ғолиблари профессионал ноутбук, замонавий смартфон, LED телевизорлари ҳамда махсус диплом билан тақдирланади.
“MIT.uz” — миллий интернет танлови ташкилий қўмитасининг изоҳи:
Танловга келиб тушган аризалар фақат онлайн тарзда қабул қилинди. Қоғоз шаклидаги анкеталар қабул қилинмади. Танлов ғолибларини саралаш низом бўйича амалга оширилди. Бу йилги танловда қўшимча икки босқич қўшилди яъни:
Биринчи босқич: www.uz рейтингдаги фаоллик ҳисобга олинди.
Иккинчи босқич: “Facebook”даги саҳифамизда “MITUZ Live” (жонли сўровнома) кўринишида ўтказилди. Жонли сўровнома эксперт гуруҳи томонидан қўйилган баллар тенг бўлган сайт жуфтликлари ўртасида ўтказилди. (Масалан: likeit.uz ва uznews.uz сайтлари тенг балл олишган ва tafsilot.uz ва telegraf.uz сайтлари ҳам тенг балл олишган эди. Биз бу сайтларни битта жонли сўровномага қўйиб, уларга онлайн тарзда овоз бериш орқали қўшимча балл қўшдик). “MITUZ Live” 5 ёки 6 та сайтлар ўртасида ўтказилди ва энг кўп реакция тўплаган сайтларга мос равишда 10, 5, 4, 3, 2 ва 1 балл қўшиб берилди.
