Terashop.uz’да аллақачон сотилаётган Redmi Note 6 Pro, ниҳоят, расман тақдим этилди!
Xiaomi компаниясининг Redmi Note 6 Pro смартфони тақдири бошқа моделлардан ўзгача бўлди. Ушбу девайс ҳақида илк маълумот пайдо бўлганидан сал ўтиб, нархлари маълум бўлди, кейин «жонли» суратлари, сўнг видеотавсифи интернетга чиқди. Уни хитойликлар ҳатто сотувга ҳам чиқаришди ва бу гаджет тақдимотидан аввал Ўзбекистон бозорига ҳам кириб келди!
ЎҚИНГ: ЭКСКЛЮЗИВ: Xiaomi ҳали тақдим этмаган Redmi Note 6 Pro’ни биринчилар қаторида Terashop.uz’дан олинг!
Куни кеча – 2018 йилнинг 27 сентябрида Xiaomi компанияси, ниҳоят, Redmi Note 6 Pro фаблетининг расмий тақдимотини ҳам ўтказди. Унинг намойиши ҳам одатдагидек Хитойда эмас, балки Таиландда бўлиб ўтди.
Ушбу смартфон ўз «аждод»и – Redmi Note 5 Pro моделидан унчалик катта фарқ қилмайди. Xiaomi унинг дизайнини бироз ўзгартирган ва дисплейнинг ўлчамини катталаштирган.
ЎҚИНГ: Йилнинг беқиёс, ҳамёнга мос смартфони — Redmi Note 5 Pro!
Xiaomi Redmi Note 6 Pro моделининг 6,26 дюймлик IPS-экрани томонлари ўзаро 19:9 нисбатли қилиб ишланган. Тасвир аниқлиги Full HD+ форматли бўлган дисплей Gorilla Glass брендига мансуб тобланган 2,5D-шиша билан ҳимояланган. Шунингдек, сўнгги трендга мос ҳолда дисплейнинг тепаси «кемтик»ли қилинган.
Янги фаблетнинг «электрон юраги» сифатида саккиз ядроли Snapdragon 636 процессори фаолият кўрсатади. Унинг тезкор хотираси 4 ГБ, доимий хотираси эса 64 ГБ ҳажмга эга. Унинг 4000 мА/соатлик ток сиғимли аккумулятори эса, компаниянинг таъкидлашича, телефон сўзлашувлари режимида 19 соат ишлашга етади. Full HD-видео ижросида бу батарея қуввати 8,5 соатга, ўйинлар ўйнаганда 6 соатга, мусиқа ижросида эса нақ 34 соатга етади!
ЎҚИНГ: Xiaomi нимаси билан Гиннесснинг рекордлар китобига кирди?
Redmi Note 6 Pro корпусининг орқа панелида ҳам олдинги моделига нисбатан сал ўзгариш бор. Қўшалоқ камерадаги 12 мегапикселли асосий модулнинг пиксел ўлчами 1,4 мкм.га, диафрагмаси эса f/1,9 бирликка тенг. Бош камеранинг иккинчи объективи 6 мегапикселли бўлиб, портрет режимида орқа фонни хиралаштириш, тасвирнинг чуқурлигини аниқлаш кабилар учун қўлланади. Камера фокусни тезкорликда автоматик созловчи Dual Pixel технологиясини қўллаб-қувватлайди.
Селфи ишқибозлари учун ҳам Redmi Note 6 Pro айни муддао – нақ 20 ва 2 мегапикселли объективларга эга қўшалоқ камера! Портрет режимини қўллаши, қурилмани қулфдан чиқариш учун эгасининг юзини таниб олиши ҳам унинг афзалликларидан ҳисобланади.
Xiaomi Redmi Note 6 Pro қора, пушти ва мовий ранглардаги корпусларда бозорга тақдим этилган.
Terashop.uz интернет-дўконимизда эса энг янги – Redmi Note 6 Pro фаблетидан ташқари, «хитойча Apple»нинг бир қатор ҳамёнбоп смартфонларини, шунингдек, «Тезкорлик устаси» дея тавсифланувчи арзон флагмани – Pocophone F1 моделини ҳам онлайн харид қилишингиз мумкин. Уларнинг барчасига бир йиллик муддатли расмий кафолатга эга эканлиги, уйдан ёки офисдан чиқмасдан туриб буюртма бериш, ўзингизга қулай усулда тўлов қилиш имкониятлари ҳамда Ўзбекистон бўйича бепул элтиб берилиши сизга маъқул келади.
