ТераТавсиф: Samsung Galaxy S21 Ultra (3-қисм)

Samsung Galaxy S21 Ultra'га бағишланган тавсифимизнинг учинчи қисмига хуш келибсиз. Олдинги қисмларда смартфоннинг техник жиҳатлари, қадоқ таркиби ҳамда девайс дизайни ва корпус сифати ҳақида тўталган эдик. Қуйида эса экран ва карнайларга тўхталиб ўтамиз.

Дисплей

Бу йил Samsung энг яхши дисплейини S21 Ultra'га ўрнатди. S21'лар триосида фақат Ultra 1440p экранга эга. Қолганларига эса одатий 1080p дисплей ўрнатилган. Cериядаги учала девайс ҳам адаптив 120Hz янгиланиш частотасини қўллаб қувватлайди.

ЎҚИНГ: 108 МПлик Galaxy S21 Ultra ҳамда 12 МПлик iPhone 12 Pro Max камера жанги (+видео)

Galaxy S21 Ultra 6.8 дюймли Dynamic AMOLED 2Х дисплейга эга бўлиб, 1440 × 3200 пиксел ёки 515 пиксел/дюймга тенг. Ўтган йилги S20 Ultra'га 6.9 дюймли экран ўрнатилган эди. S21 Ultra Gorilla Glass Victus шишаси билан ҳимояланган.

Экран адаптив янгиланиш частотасини қўллаб-қувватлайди. Зарур вақтда частота 120Hz'га кўтарилиб, бошқа пайт 10Hz'га тушиши мумкин. Шунингдек, экран ёрқинлиги жуда баланд бўлиб, 1500 нитни ташкил қилади. Аммо бу ёруғликка фақатгина HDR видео томошасида эришиш мумкин.

HDR ҳақида сўз борар экан, S21 Ultra  HDR10+ қўллаб қувватлайди. Netflix, Аmazon Prime Video, HBO, YouTube каби платформаларда юқори аниқликдаги видеоларни кўриш мумкин. Дисплей тестида экран максимум 458 нит ёрқинликни қайд этди. Бу эса жуда яхши натижа. Ёруғлик яхши бўлган жойда S21 Ultra ёрқинлиги 1023 нитгача етади ва девайс, шундай қилиб, 1000 нитдан ошган иккинчи смартфон бўлди (биринчи қурилма Note20 Ultra бўлган эди).

Ранглар акс этишида Samsung  одатдагидек Natural/Vivid ёндашувига таянган. Natural режими sRGB таркибини акс эттиришга қаратилган ва ўртача ҳисобда deltaE 2 натижасини қайд этди.

Vivid режимида 5 даражали совуқ/илиқ ранглар акс эттирилиши мавжуд. Ушбу режимдаги стандарт даражанинг deltaE кўрсаткичи DSE-P3'га нисбатан 3.2 ни ташкил этади. Бу эса ранглар анчайин тўғри акс этишини кўрсатади. Бироқ оқ ва кулранг туслар бироз кўкиш тонда намоён бўлади.

Бу йил янги қўшимча сифатида Eye Comfort Shield функциясини айтиш мумкин. Бу Кўк ранг фильтрининг яна бир талқини бўлиб, дисплей рангини куннинг вақтига қараб созлайди.

Келинг, энди экран янгиланиш частотаси ҳақида сўзлашамиз. Янгиланиш частотасининг икки хил - Стандарт (60Hz) ва Адаптив созланмалари мавжуд. Агар смартфонда Стандарт режими ёқилган бўлса, у доимий 60Hz'да ишлайди. Агар Адаптив режими ёқилган бўлса контентга қараб смартфон экрани 120Hz ёки 60Hz'га ўтган ҳолда ишлайди. Мисол учун, браузерлар (Chrome, Firefox, Samsung  Browser) каби иловалар 60Hz янгиланиш частотасини талаб қилади. Шунингдек, Facebook, Instagram, TikTok каби ижтимоий тармоқ иловалари ҳам 60Hz'лик янгиланиш частотасида ишлайди.

Бироқ истисно ҳолатлари мавжуд бўлиб, баъзи видео иловлалар 120Hz янгиланиш частотасида ҳам ишлаши мумкин. Масалан, YouTube'да HDR контентдаги видеолар кўрилётганда экраннинг янгиланиш частотаси 120Hz'ни ташкил қилади. Агар HDR контентдаги видео бўлмаса, янгиланиш частотаси автоматик равишда 60Hz 30/60 кадр/секунд ёки 48Hz 24 кадр/секундга пасаяди.

ЎҚИНГ: Redmi K40 флагманлари нафақат Mi 11, керак бўлса Galaxy S21 Ultra билан беллаша олади!

Netflix ва Amazon Prime Video иловаларида ҳам  экран HDR контентдаги видеоларда 120Hz янгиланиш частотасида ишлайди. SDR контентаги видеоларда эса 60Hz 30/60 кадр/секунд, 48Hz 24 кадр/секундда ишлайди. Агар экранга қўл билан тегилганда 120Hz'да, агар тегилмаса 60Hz'да ишлайди.

Шунингдек, Galaxy S21 Ultra 60 кадр/секунддан юқори бўлган Shadowgun Legend, Mortal Combat, Dead Trigger 2, 1945 Air Force, Alto's Odyssey, Pac Man каби видео ўйинларда ҳам 120Hz янгиланиш частотасида ишлайди.

Қурилмадаги Always On Display функцияси ҳам 60Hz янгиланиш частотасида ишлайди.

Аккумулятор автономлиги

Galaxy S21 Ultra аввалги S20 Ultra'дагидек 5,000 мАс сиғимлик аккумулятор билан жиҳозланган. Бироқ S21 Ultra экрани кўпроқ аккумулятор қувватини сарфлайди. Шунингдек, гаджет янги функцияларга эга ва янги чип билан жиҳозланган. Тест натижаларига кўра, S21 Ultra'нинг аккумулятор автономлиги 114 соатни ташкил қилди (35.32 соат телефонда суҳбатлашиш, 15.04 соат интернет, 17.53 соат видео томоша қилиш).

Қувватлаш тезлиги

S21 cерияси орасида, шубҳасиз, S21 Ultra энг доминанти, бироқ смартфон қутисидан қувватлаш адаптери ўрин олмаган. Қувватлагични қўшимча харажат қилиб сотиб олиш керак бўлади. Лекин Samsung  S21 Ultra'га олдиндан буюртма қилган мижозларга қувватлагични текинга беради. Худди шундай ҳолат iPhone 12 cериясида ҳам кузатилган эди.

Шунингдек, Samsung 25 Вт лик ТА800N қувватлаш адаптери нархини туширганини маълум қилди. Унинг нархи АҚШда $19.99, Европада €19.90, Буюк Британияда £17 ни ташкил қилади.

Телефон қутисидан USB-C кабели ўрин олган ва гаджет максимал 25 Вт гача қувват олади. S20 Ultra'даги каби 45 Вт гача қувватлаш имконияти мавжуд эмас.

25 Вт лик адаптер билан 30 дақиқада аккумулятор қувватини 54% га ошириш мумкин. Бир соатда эса бу кўрсаткич 95% ни ташкил қилади. Тўлиқ қувватланиш учун 1 соат 11 дақиқа вақт кетади. 5,000 мАс лик аккумулятор учун бу ёмон кўрсаткич эмас.

Galaxy S21 Ultra 10 Вт лик симсиз зарядланиш имкониятини ҳам қўллаб-қувватлайди. Шунингдек, девайс бошқа смартфонларга ҳам 4.5 Вт да ўз қувватини бера олади.

Созланмалар бўлимида Тезкор қувватлаш имкониятини ўчириб қўйиш ёки ёқиш мумкин.

Карнай: овоз баландлиги ва сифати

Galaxy S21 Ultra иккита стерео карнай билан жиҳозланган бўлиб, уларнинг биттаси ромнинг пасти қисмида, иккинчиси экраннинг юқори қисмида жойлашган.

S21 Ultra'нинг стерео карнайи тест синовида жуда яхши натижани қайд этди. Овоз сифати ажойиб даражада. Вокал яхши намойиш этилган, басс унчалик юқори бўлмаса ҳам, юқори ноталар ёқимли ижро этилади.

ЎҚИНГ: «Қурилмаларни қийновчи» видеоблогер синаб кўрди: Galaxy S21 Ultra қанчалик мустаҳкам?