ТераТавсиф: Samsung Galaxy S22 Ultra (2 қисм)

ТераТавсиф: Samsung Galaxy S22 Ultra (2 қисм)

Операцион тизим ва S Pen имкониятлари

Galaxy S22 Ultra смартфони Android 12 операцион тизимига асосланган One UI 4.1 график қобиғида ишлайди. Смартфонда стилуси бўлганлиги бу унда қўшумча имкониятлар бўлишини таъминлайди. S Pen аввалги Note20 Ultra'даги стилус билан бир хил ҳамда бир неча янги имкониятларни ҳисобга олмасак функсоналлик ҳам ўзгармаган.

Фото: GSMArena

ЎҚИНГ: ТераТавсиф: Samsung Galaxy S22 Ultra

Стилуснинг янги функцияларидан бири Quick Note деб аталади. Ушбу функция веб-саҳифларни альбом сифатида Samsung Notes иловасига қўша олади. Шуни таъкидлаш керакки, Quick Note фақатгина Samsung Internet браузери билан ишлай олади ҳолос.

Скриншот: GSMArena

Яна бир янги функция бу Collaboration View бўлиб, у орқали Samsung Notes иловасидан бир вақтнинг ўзида ҳам S22 Ultra, ҳам Galaxy планшетларида фойдаланиш мумкин бўлади. Мисол учун, расм чизаётган вақт мўйқаламларни S22 Ultra'да бошқариб, планшетни сурат рамкаси сифатида ишлатиш мумкин.

Янги S Pen орқали энди S22 Ultra яна қўшимча 12 та тилдаги қўл ёзувларни таний олади. Ушбу тилларнинг умумий сони эса 88 тага етди. Агар бу Samsung Notes иловасининг янги имконияти бўлса, ушбу янгилик тез орада S21 Ultra ҳамда Note20 Ultra моделларида ҳам пайдо бўлади.

Фото: GSMArena

S Pen'нинг ёзиш кечикиши ҳам қисқарди. Note20 Ultra'да таништирилган сунъий интеллект прогноз нуқтаси қўл ёзмани қаергача давом этишини тахмин қилиб, кечикиш вақтини 9мс га камайтиради.

S Pen ўзининг алоҳида батарейкасига эга. Унда гироскоп, акселерометр ва масофадан бошқариш имконини берувчи Bluetooth мавжуд. Bluetooth орқали Галерея, Samsung Internet браузери, Chrome каби иловаларни масофадан туриб ҳаракатлар билан бошқариш мумкин, бу айниқса камера иловасида жуда қўл келади.

Скриншот: GSMArena

Албатта, S Pen'нинг асосий имкониятларидан бири Screen-off memo бўлиб, у орқали стилусни чиқариб, қора экранга эслатма ёзиш имкони мавжуд. Экран ёниқ турганда S Pen уядан чиқарилганда унда Air буйруқлар панели пайдо бўлади. Панелда илова ёрлиқлари бўлади.

Скриншот: GSMArena

S Pen орқали скриншотлар ҳам олса бўлади. Смарт-танлаш функцияси турли шаклдаги скриншотларни олиш, улардан матнларни ажратиб олиш ёки уларни экранга қўйиш имконини беради. Шу билан бир қаторда, GIF анимацияларини яратиш ҳам мумкин. Шунингдек, экранга турли хил қалам ва мўйқаламларнинг тўлиқ тўплами билан ёзиш мумкин бўлган “Screen Write“ функцияси мавжуд. Экран таржимони битта сўзни олдиндан танланган тилга ўгира олади.

Скриншот: GSMArena

Стилусдан яна суратни яқинлаштириш ҳамда экранни айлантиришда фойдаланса бўлади. Смартфонни экран остида жойлашган бармоқ изи сканери билан қулфдан чиқариш мумкин. Танлов сифатида смартфонни юзни таниш функцияси орқали ҳам қулфдан чиқарса бўлади, бироқ бу бармоқ изи сканери каби ишончли эмас.

Always-on Display функцияси смартфонда бор, у One UI 3 қобиғидан сўнг анча қулайлашди. Бир неча турдаги соатларни танлаш мумкин. Ушбу функция билдиришномаларни кўрсатиб туради.

Скриншот: GSMArena

One UI 4.1 қобиғининг тузилиши яхшиланди, бироқ унинг умумий кўриниши аввалги версийларидан унчалик катта фарқ қилмайди.

Турли хил маълумотларни кўрсатувчи смарт виджетлар бир-бирига бирлаштирилди, энди улар кўп жой эгалламайди. Samsung клавиатураси эса янги функция, стикер ва эможилар билан бойиди.

Скриншот: GSMArena

One UI 4 қобиғида ҳам Android 12 тизимида бўлган фон расмлар рангини таҳрирловчи Ранглар палитраси мавжуд. Жорий фонга қараб тизим автоматик равишда рангларни танлайди. Ушбу ранглар қўнгироқ қилиш ойнаси ва бир нечта панелларда амал қилади. Рангларни, шунингдек, илова иконкалари билан ҳам созлаш мумкин.

Созламалар менюсида янги махфийлик бошқарув панели мавжуд. Бу ерда қайси иловалар энг муҳим махфийлик рухсатлардан фойдаланаётганини осонгина кузатиш мумкин. Шунингдек, камера ва иловаларга киришни бошқарса бўлади.

Скриншот: GSMArena

Бошқа қурилмалар билан смартфон боғлаш учун бир неча функциялар бор. DeX функцияси орқали смартфондан компьютер сифатида фойдаланиш ҳамда смартфонга клавиатура ҳамда монитор қўшиш мумкин. Ушбу функция симсиз ёки HDMI порти билан ишлайди.

Скриншот: GSMArena

Шу билан бир қаторда, Windows'га ҳавола функцияси фойдалнувчига компьютер билан смартфонни боғлаш имконини беради. Бу орқали икки қурилма ўртасида расмларни алмашиш, шахсий компьютерда билдиришномаларни бошқариш ёки ундан қўнғироқ қилиш мумкин бўлади.

Бошқа қурилмадан иловани давом эттириш функциясининг имкониятлари бироз чекланган. Ундан фойдаланиш учун иккита қурилмада Samsung ҳисоб қайдномасига кириш, улардаги Bluetooth'ни ёққан ҳолда бир хил Wi-Fi тармоғига улаш ва Samsung Internet браузери ёки Samsung Notes'дан фойдаланиш керак. Кейин матн ва расмларни нусхалаш, жойлаштириш ва браузерда бир хил ёрлиқларни очиш мумкин бўлади.

Скриншот: GSMArena

Samsung'нинг узоқ вақтдан бери мавжуд бўлган бошқа функциялари қаторига Edge панеллари киради. Унда илова ёрлиқлари бўлиб, уни экранни ён томонга сурган ҳолда очиш мумкин. Ўйин лаунчери барча қурилмадаги барча ўйинлар маркази ҳисобланади. Ушбу лаунчер ўйин вақтида бошқа чалғитувчи омилларни блоклайди.

ЎҚИНГ: Samsung Galaxy S22+ 5G'нинг техник жиҳатлари ва қадоқ таркиби билан танишамиз

Унумдорлик

Одатдагидек S22 серияси ҳам ҳудудга қараб Exynos ва Snapdragon чипига эга бўлди. Snapdragon 8 Gen1 ва Exynos 2200 чиплари тўрт нанометрлик жараён асосида яратилган бўлиб, 1+3+4 тизимдаги ядроларг эга. Яъни иккала чип ҳам битта Cortex-X2, учта Cortex-A710 ва тўртта Cortex-A510 ядроларига эга. Уларнинг ишлаш гертсида фарқ бор ҳолос.

Фото: GSMArena

Икки чипдаги фарқ уларнинг график қисмида кузатилади. Exynos чипи AMD'нинг RDNA2 архитектурасига асосланган Xclipse 920 график процессорига эга. Ушбу график процессор объектларнинг ҳаракати ва рангини ҳисоблаш орқали реал ҳаётдаги ёруғликнинг ҳаракатини акс эттирувчи нурларни кузатиш ва ўзгарувчан тезликни тақсимлаш технологияларига эга. Adreno 720 ҳам ўзгарувчан тезликни тақсимлаш технологиясига эга, бироқ унда нурларни кузатиш технологияси йўқ.

Иккала чипсетда ҳам 5G модем, Wi-Fi 6E ва икки диапазонли GPS мавжуд. Бундан ташқари, чипларнинг сунъий интеллект имкониятлари ҳам ошган. Qualcomm ўз чилсетининг сунъий интеллект имкониятлари тўрт баравар тезлашганини, Samsung эса икки баравар тезлашганини таъкидлади. Хотира ҳажми 8/128ГБ дан бошланиб, 16ГБ/1ТБ гача боради.

Скриншот: GSMArena

Exynos 2200 чипининг GeekBench'даги натижасига қарайдиган бўлсак, аввалги чип билан таққослаганда унчалик катта ўзгариш бўлмаган. Бироқ S22 Ultra бир ядроли ва кўп ядроли тестда S21 Ultra'дан юқорироқ балл тўплаган. S22+ моделининг қайд этган натижаси Ultra моделники каби бўлмаса, икки йил аввалги Note20 Ultra анча ортда қолиб кетган. Snapdragon 888 чипига эга бўлган ZenFone 8 Flip эса S22 Ultra'дан бироз илгарилаб кетган.

Скриншот: GSMArena

S22 Ultra ўтган йилги моделга нисбатан AnTuTu'да анча яхши натижани қайд этди. Яна S22+ модель Ultra'дан бироз ортда қолган.

Скриншот: GSMArena

GFXBench offscreen тестидан Xclipse 920 график процессорининг унумдорлиги текшириб кўрилди. Натижаларга кўра, янги процессор ўтган йилгидан 10-20%, Note20 Ultra'га ўрнатилган график процессордан эса 35-50% юқори унумдорликни тақдим этди.

Скриншот: GSMArena

Onscreen тестида S22 Ultra жуда яхши натижани қайд этди. Бунда экран 1080p резолюцияга созланди, чунки 1440p резолюцияда кадр соня сонлари кескин тушиб кетди. Шундай бўлса-да, қурилма ўтган йилги Ultra моделидан кўра анча яхшироқ натижани қайд этди.

Скриншот: GSMArena

3DMarks Wild Life тестида S22 Ultra ва S22+ моделларининг қайд этган натижасида 2021 йилги моделларникига қараганда 30% ўсиш кузатилди.

S22 Ultra'нинг ички қисмларни совутиш тизими ҳақида ҳам кўп гапириш мумкин. Совутиш тизими S21 Ultra'дагига нисбатан 3.5 баравар яхшироқ ишлайди. Ўтказилган тестларда смартфон ортиқча қизиб кетмади. Иссиқлик смартфон корпуси бўйлаб бир маромда тарқалади. Бу эса айрим бир нуқтанинг ортиқча қизиб кетишини олдини олади.

Скриншот: GSMArena

Термал регулятор S22 Ultra'да мавжуд. Узоқ вақт давомида процессорнинг максимал унумдорликнинг аста-секин пасайишига сабаб бўлди. Аниқроқ қилиб айтганда, 30 дақиқа смартфоннинг бор кучидан фойдаланилганда унумдорлик 70% га пастлаб кетди. Албатта, бу ёмон натижа эмас, чунки ҳар қандай смартфоннинг бор имкониятлари ишга солинганда унинг ишлашида пасайишлар кузатилади.

GPU унумдорлиги эса бундан тез тушиб кетди. 3D Mark учунчи босқичида энг баланд кўрсаткич 80% ташкил қилди. Кейинчалик эса унумдорлик 60% га тушди. Умуман олганда, смартфон унумдорлик жиҳатдан ўзини кўрсата олади. Ҳар қандай смартфон юқори босим остида узоқ вақт ишласа унинг унумдорлигида пасайиш кузатилади. Кунлик фойдаланишда эса ҳеч қайси фойдаланувчи ўз смартфонини бунчалик “қийнамаса“ керак.

ЎҚИНГ: Galaxy S22+ ҳамда S22 Ultra'нинг 45 ваттда қувват олиши ёлғонми?

Камера

Қойилмақом даражада бўлмаса-да, Galaxy S22 Ultra кундузги вақтда яхши суратларни олишга қодир. Динамик диапазон яхши, бироқ флагман даражадаги камера учун диапазон унчалик кенг эмас. Экспозиция бўйича ҳеч қандай муаммо йўқ. Ранглар яхши тўйингалиги учун суратлар жуда яхши кўринади.

Пиксел даражасида биз жуда кўп тафсилотларни кўриш мумкин, лекин яхши ёритилган саҳналарда юқори шовқин даражаларини кўриш мумкин.

Тасвирдаги камчиликларни кейинчалик янги прошивка билан тўғирлаш мумкин. Мисол учун, ўтган йилги S21 Ultra модели ҳозирда шовқинсиз ҳамда яхши тонал экстремалликка эга суратларни олишга қодир.

Ультракенг камера аниқ ва деталлашган суратларни тақдим этади. S21 Ultra билан таққослайдиган бўлсак, ультракенг камерада олинган суратларда аниқлик ошган. Шунингдек, динамик диапазон яхшиланган, бироқ бу бозордаги энг яхшиси эмас.

3x телефото камера анча яхшиланган. Эски телефотога қараганда янгиси аниқлик даражаси юқори бўлган суратларни тақдим этади.

10x перископ модули узоқ фокус узунлиги туфайли қўшимча имкониятларни беради. Контраст ва ранглар уйғунлиги ажойиб даражада. Суратда бироз шовқин борлигини ҳисобга олмасак, аниқлик ҳам яхши даражаси.

Катталаштиришни 100х зумга олиб келиш мумкин, бироқ бу оптик зум ҳисобланмайди. Шунинг учун расм сифати ёмонлашиб кетади.

Тунги вақтда сурат сифати

Тунги вақтда S22 Ultra'нинг асосий камера автоматик тарзда тунги режимга ўтади. Ультракенг ва 3x телефото камералар эса тунги режимсиз ҳам ёрқин суратларни тақдим этади.

Бироз шовқин бўлса-да, асосий камера орқали тунда олинган суратларнинг аниқлиги ажойиб даражада. Сурат яхши ёритилган, қоронғулик даражаси ошиб кетмаган, асосийси, ранглар аниқ чиққан.

Тунги режимга тўлиқ ўтлиганда сезиларли ўзгаришлар кузатилди. Биринчи навбатда суратдаги кўча чироқлари тўқ сариқ рангга ўзгариб кетди. Шовқин нисбатан кам, динамик диапазонда ўзгариш бўлмади.

Ультракенг камера ҳам тунги вақтда сифатли суратларни тақдим этади. Динамик диапазон кенг, ранглар уйғунлиги ҳам яхши даражада. Суратда шовқин бор, бироқ суратнинг аниқлик даражаси ёмон эмас.

Тунги режим ҳақиқатдан ҳам ёруғлик паст бўлган вақтда сурат сифатини яхшилашга ҳизмат қилади. Чунки суратларда шовқин анча камайди, аниқлик даражаси эса ошди.

3x телефото камера ҳам тунги вақтда яхши суратга олса-да, суратнинг аниқлик даражаси бироз пастлаган.

Тунги режим суратдаги объектларни аниқлаб, уларни керакли даражада ёритиб бера олади. Бу ўз навбатида 3x зум камерадан фойдаланишга ҳам ёрдам беради. Чунки аниқ бир ҳолатларда смартфон автоматик тарзда асосий камерадан фойдаланади.

10x зумда ҳам худди шундай, яъни смартфон 3x зум билан бирга рақамли зумдан фойдаланиши мумкин. Суратда шовқин бўлса-да, умумий олганда унинг сифати ёмон эмас.

Тунги режим сурат сифатига сезиларли таъсир кўрсатади. Мисол учун, юқоридаги суратларда тунги режимдан фойдаланилганда аниқлик ошиб, шовқин камайди.

Муқобиллар

Ҳозирча бозорда Galaxy S22 Ultra'нинг аниқ бир рақобатчиси йўқ. Бу йилги модель S ва Note серияларини ўзида бирлаштира олди. Шунинг учун биринчи альтернатив сифатида ҳаёлга Galaxy Note20 Ultra келади. Бироқ ушбу моделнинг тақдим этилганига икки йил бўлди. Ундаги камералар ва чип янги эмас. Албатта, S22 Ultra бор бўлган стилуси, Note20 Ultraъда ҳам бор.

Фото: GSMArena

Яна бир муқобил танлов ўтган йилги S21 Ultra бўлиши мумкин. Унинг камера техник кўрсаткичлари янги моделиникидан фарқ қилмайди. S21 Ultra, шунингдек, S Pen'ни ҳам қўллаб-қувватлайди, бироқ қурилма корпусида у учун махсус туйнук яратилмаган. Бу эса қўшимча харажат ва ноқулайликларга олиб келади.

Фото: GSMArena

Худди шундай ҳолат Galaxy Z Fold3 билан ҳам кузатилади. Қурилма стилусни қўллаб-қувватлайди, бироқ унда ҳам стилус учун уя мавжуд эмас. Шунинг учун функсоналлик жиҳатидан S22 Ultra ўз муқобилларидан бир бош устун. Албатта, Z Fold3 моделининг ҳам ўзига яраша имкониятлари мавжуд. Аммо қурилма S22 Ultra'га қараганда 19% оғирроқ, шунингдек, камералар жиҳатидан у Ultra'дан анча орқада.

Фото: GSMArena

S22 Ultra билан камера бўйича рақобатлаша оладиган смартфон бу Mi 11 Ultra ҳисобланади. Юқори резолюциядаги ва катта ҳажмдаги камералар Mi 11 Ultra'га устунлик бериши мумкин, лекин ушбу модель S22 Ultra каби стилусни қўллаб-қувватламайди. Балки кейинги авлод Mi Ultra моделини кутган яхшидир.

Фото: GSMArena

Сўннги муқобил танлов - iPhone 13 Pro Max. Доимий равишда энг сўнгги iPhone энг сўнгги Galaxy смартфони билан таққослаб кўрилади. iPhone 13 Pro Max ҳам S21 Ultra каби камера хилма-хиллиги ҳамда S Pen имкониятига эга эмас. Агар сиз учун ушбу факторлар муҳим бўлса, у ҳолда S22 Ultra'ни танлаган яхши.

ЎҚИНГ: Galaxy S22 Ultra тирнаш ва букиш тестида ўз мустаҳкамлигини кўрсата олди (+видео)

Хулоса

Terabayt.uz

9.9балл

Galaxy S22 Ultra - функционаллик жиҳатидан энг яхши смартфон. Ҳозирда стилус функсоналлигини фақатгина Samsung таклиф қилмоқда. Apple, Google, Xiaomi, Oppo ва vivo компаниялари томонидан ҳозирча ушбу смартфонга ҳар томонлама рақобат қилиши мумкин бўлган қурилма тақдим этилмаган.

Дизайн

Дисплей

Камера

Функциявийлик

Aлоқа

Унумдорлик

Aккумулятор

Қаердан сотиб олиш мумкин?

Amazon 1199.99 dollar Сотиб олиш
Samsung 1199.99 dollar Сотиб олиш
Mediapark 15 990 000 сўм Сотиб олиш

 Афзаллиги

  • S Pen имконияти
  • Юқори даражадаги дисплей ва камералар
  • Анъанавий премиум турдаги Note дизайни

 Камчилиги

  • Смартфон бироз оғирроқ
  • 45 ваттга ўтган бўлса-да қувватлаш тезлиги сезиларли даражада ошмаган
Хабарларни тез ва осон ўқиш учун Андроид иловамизни сақлаб олинг.