ТераТавсиф: Xiaomi Mi Note 10 Lite (3-қисм)
Xiaomi Mi Note 10 Lite'га бағишланган тавсифимиз давом этади. ТераТавсифнинг олдинги қисмлари билан бу ерда танишишингиз мумкин, қуйида эса смартфон дисплейи, аккумулятор автономлиги ва карнай устида ўтказилган синовлар натижаларига эътибор қаратамиз.
Яхши сифатли AMOLED дисплей
Mi Note 10 Lite ва Note 10 бир хил экранга эга. Қурилмаларга 6,47 дюйм FullHD+ AMOLED панель қўйилган. Томонлар нисбати 19.5:9. Пиксел зичлиги 398 пиксел/дюймга тенг. Қайрилма ҳошиялар ва «U» шаклидаги тирқиш ҳам Mi Note10'дан кўчирилган.
Экран ёруғлиги устида ўтказилган синовларда қаҳрамонимиз ўз рақиблари билан деярли бир хил даражадаги яхши натижани кўрсатди. Lite экрани ёруғлиги «Ручной» режимда 424 нитга, Мослашувчан режимда эса деярли 600 нитга тенг бўлади. Бу, албатта, флагманларга хос кўрсаткич эмас, лекин қабул қилса бўладиган натижа.
Дисплей синови | 100% ёруғлик | ||
Қора, кадета/м² | Оқ, кадета/м² | Контраст нисбати | |
Xiaomi Mi Note 10 Lite | 0 | 424 | ∞ |
Xiaomi Mi Note 10 Lite (макс. авто.) | 0 | 596 | ∞ |
Xiaomi Mi 10 5G | 0 | 522 | ∞ |
Xiaomi Mi 10 5G (макс. авто.) | 0 | 854 | ∞ |
Xiaomi Mi Note 10 | 0 | 427 | ∞ |
Xiaomi Mi Note 10 (макс. авто.) | 0 | 597 | ∞ |
Sony Xperia 10 II | 0 | 379 | ∞ |
Sony Xperia 10 II (макс. авто.) | 0 | 520 | ∞ |
Xiaomi Redmi K30 | 0.399 | 550 | 1378:1 |
Xiaomi Redmi K30 (макс. авто.) | 0.527 | 714 | 1355:1 |
Samsung Galaxy A71 | 0 | 398 | ∞ |
Samsung Galaxy A71 (макс. авто.) | 0 | 515 | ∞ |
Honor 9X Pro | 0.392 | 517 | 1319:1 |
Huawei P40 Lite | 0.425 | 461 | 1085:1 |
Huawei P40 Lite (макс. авто.) | 0.501 | 515 | 1028:1 |
realme 6 Pro | 0.318 | 421 | 1324:1 |
Motorola Moto G8 Power | 0.341 | 500 | 1466:1 |
Motorola Moto G8 Power (макс. авто.) | 0.53 | 741 | 1398:1 |
Xiaomi Redmi Not 9 Pro | 0.355 | 456 | 1285:1 |
Xiaomi Redmi Note 9 Pro (макс. авто.) | 0.487 | 616 | 1265:1 |
Рангларнинг кўрсатилишини уч хил усулдан бирида амалга ошириш мумкин. Автоматик режим компания томонидан олдиндан созланган бўлади. Тўйинган ва Стандарт режимлар ҳам бор.
Автоматик режимда ранглар атроф ёруғлиги ва сиз экранда томоша қилаётган контентга қараб мослашади (лекин бу мослашиш унчалик ҳам сезилмайди). Бу режим ёқилганда анчайин совуқ оқ ранглар ҳосил қилинади ва deltaE кўрсаткичи 10 га тенг экани қайд қилинди. DCI-P3 синовида эса ўртача — 4.1 натижа олинди.
Тўйинган режими ранглар палитрасини кенгайтириб, тўйинганлик даражасини оширади. Бироқ DCI-P3 синови натижаларига кўра, бу режимда ҳам ранглар ўртасидаги deltaE фарқи Автоматик режимдаги билан бир хил. Стандарт режимда эса sRGB палитрасидаги ранглар энг тўғри акс эттирилади. Бу режим билан ўртача 1.5 deltaE даражасини қайд этдик.
Mi Note 10 Lite экрани HDR10'ни қўллаб-қувватлайди. YouTube'да HDR'ли видеоларни томоша қилиш мумкин.
Аккумулятор автономлиги
Mi Note 10 Lite 5,260 мА/соат сиғимга эга аккумуляторда ишлайди; унинг «ака»си ҳам айни сиғимга эга. Ҳозирда кўп смартфонлар 5,000 мАс сиғимга эга эмас. Масалан, Galaxy A71 4,500 мАс, realme 6 Pro эса 4,300 мАс сиғимга эга. Ўтказилган аккумулятор синовларида қаҳрамонимиз аъло натижа қайд этди. Қурилма билан 21 соат давомида тўхтамасдан видео томоша қилиш мумкин. Wi-Fi билан интернетдан фойдаланилганда 12 соат 45 дақиқалик автономлик қайд қилинди. Овозли қўнғироқларда эса «енгил» қаҳрамонимиз 36:31 соатлик натижани кўрсатди. Шундай қилиб, Xiaomi Mi Note 10 Lite смартфони 117 соат автономликка эга экан. Қиёс учун, Galaxy A71 102 соат, realme 6 Pro эса 107 соатлик кўрсаткичга эга.
Қадоқдаги 30 ваттлик қувватлагич смартфонни 1 соат 14 дақиқада тўлиқ зарядлайди. Аккумулятор анча катта эканини инобатга олсак, бу яхши натижа. Ярим соатда 53% заряд йиғилади.
Mi Note 10 Lite ҳам, Mi Note 10 ҳам симсиз қувватланиш хусусиятига эга эмас.
Карнай (динамик) синови
Қаҳрамонимизга пастки томонга битта карнай қўйилган. Бу ҳам Mi Note 10'даги билан бир хил динамик.
Овоз баландлиги синовларида бизнинг модель Ўртача натижа қайд этди. Динамик унчалик баланд овоз чиқара олмас экан. Таққослаш учун айтиш мумкинки, Xperia 10 II ва Galaxy A71'лар ҳам худди шундай кўрсаткичга эга.
Овоз сифати борасида Mi Note 10 Lite анчайин яхши. Вокаллар тиниқ чиқади. Xperia 10 II бу борада умуман яхши эмас, Galaxy A71 бўлса бассга эга эмасдек гўё. Умуман олганда, Xiaomi бу қурилмасига битта ва яхши карнай қўйган: «битта бўлсин — яхши бўлсин», деган экан-да.
Хулоса
NOTEBOOKCHECK
8.8балл
Xiaomi Mi Note 10 Lite yuqori toifaga mansub «aka»si Mi Note 10 bilan deyarli bir xil darajada kuchli va bir xil texnik jihatlarga egaligi bois qurilma nomidagi «Lite» so‘zi foydalanuvchiga smartfon haqida ma'lumot berishdan ko‘ra ko‘proq chalg‘itadi. Xiaomi faqatgina kamera moduliga o‘zgartirishlar kiritgan, biroq 108MP o‘rniga qo‘yilgan 64MP kamera ham maqtovga loyiq. Mi Note 10 Lite anchayin arzon; bu borada «Lite» jumlasi smartfonga mos keladi.
Қаердан сотиб олиш мумкин?
Asaxiy | 3 150 000 сўм | Сотиб олиш |
Radius | 3 380 000 сўм | Сотиб олиш |
Mediapark | 3 485 000 сўм | Сотиб олиш |
Афзаллиги
- Katta va yorug‘ AMOLED ekran
- HDR10
- A'lo darajadagi akkumulyator avtonomligi
- Tezkor quvvatlash
- Yaxshi yorug‘likda sifatli tasvirlar
- A'lo darajadagi video stabilizatsiyasi
- Foydalanishga qulay MIUI interfeysi
- Apdeytlarning tez-tez kelishi
- 3.5 mm audio jek
- FM radio
- Infraqizil blaster
Камчилиги
- Telefoto kamera mavjud emas
- Past yorug‘likda kamera sifati ko‘ngildagidek emas
- Selfilar sifati a'lo darajada emas
- microSD karta sloti yo‘q