ТераТавсиф: Xiaomi Redmi Note 9 Pro (6-қисм)

ТераТавсиф: Xiaomi Redmi Note 9 Pro (6-қисм)

Xiaomi Redmi Note 9 Pro смартфонига бағишланган тавсифимизнинг якунловчи қисмига ҳам етиб келдик.

Тавсифимизнинг аввалги қисмларини ўқиш учун бу ерга босинг.

Хулоса
Redmi Note 9 Pro тақдим қилинганида 269 евро нархга эга эди. Бу анчайин ҳамёнбоп нарх. Қурилма ўрта тоифа моделларга қўйиладиган барча талабларга жавоб беради ва ҳаттоки суб-флагман моделларда мавжуд баъзи хусусиятларга ҳам эга. Смартфон юқори резолюцияли киноматографик экран, энг кучли ўрта тоифа чип, анчайин сифатли камера, қуввати узоққа етадиган аккумулятор ва тезкор қувватлаш функциясига эга.

Redmi Note 9 Pro ўтган йилги Redmi Note 8 Pro'нинг анчайин янгиланган кейинги авлоди. Қаҳрамонимиз, шунингдек, ўзининг Pro бўлмаган талқинига нисбатан ҳам анчайин афзалликларга эга — сифатлироқ экран, янги чип ва юқори резолюцияли асосий камера шулар жумласидан.

Демак, ҳеч иккиланмай Note 9 Pro ўтган йилги моделдан ва Note 9'дан анчайин устун қурилма бўлиб чиқди, деб айта оламиз.

Муқобиллар
Хиаоми ўзининг Redmi Note 9 моделлари номланишида мижозларни жуда чалғитиб юборди. Биз ҳозир тавсифини ёзаётган смартфонимиз — Redmi Note 9 Pro, деб номланади. Аммо айни қурилма Ҳиндистонда Redmi Note 9 Pro Max номи билан сотувга чиқарилган. Redmi Note 9 Pro Redmi Note 9S'нинг янгиланган версияси бўлиб ҳам хизмат қилади. Аммо Redmi Note 9S Ҳиндистон бозорида Redmi Note 9 Pro, деб сотувга чиққан. Бундан чиқди, иккита минтақада сотувга чиққан иккита турли смартфон бир хил номга эга. Кишини чалғитади бу, шундай эмасми? Келинг, қуйида тўртала моделларнинг расмини таққослаймиз:

...

Эслатиб ўтамиз, биз ҳозир Глобал Redmi Note 9 Pro'ни тавсифламоқдамиз. Келинг, энди рақобатдош бошқа моделлар билан қаҳрамонимизни таққослаб кўрамиз. Авваламбор, Redmi Note'лар билан солиштириб кўрамиз. Агар сиз учун Redmi Note 9 Pro смартфони ҳажман катта ёки қиммат бўлса, 200 евролик Redmi Note 9 муқобил бўлиб хизмат қила олади. Бу смартфоннинг экрани нисбатан кичик, чипи ҳам қуйироқ тоифага мансуб, лекин бошқа жиҳатлардан Pro модель билан деярли ўхшаш.

Redmi Note 9 ва Redmi Note 9 Pro

Samsung Galaxy M31 ҳам Redmi Note 9 Pro билан бир хил нарх тоифасига мансуб. Ушбу девайс ўзининг Super AMOLED дисплейи ва 6,000 мАс лик аккумулятори билан кишини лол қолдиради, аммо самарадорлик борасида Redmi'дан ортда қолади.

Huawei P40 Lite Redmi моделидан тахминан 40 евро камроқ нархга эга. Бу модель нафақат чиройли дизайнга, балки кун-у тун қойилмақом расмлар олиш имконига ҳам эга. Чипи ҳам ҳозирда мавжуд энг кучли ўрта тоифа чипларидан. Ўйин ўйнаш амалиёти Lite моделида аъло даражада бўлади, лекин смартфонда Google хизматлари пакети йўқ эканини унутмаслик керак.

Ва ниҳоят, realme 6 Xiaomi'га ҳақиқий рақиб бўла оладиган смартфондир. реалмеънинг ҳозирдаги энг оммабоп смартфонларидан бўлган бу модель Redmi Note 9 Pro'дан 40 евро атрофида арзон, лекин экранининг янгиланиш частотаси юқорироқ, realme UI интерфейси эса MIUI'дан қулайроқ. Чипи эса Redmi'ники билан бир хил. realme 6 ва Redmi Note 9 Pro бир-бирига ҳақиқий рақиб.

...

Якуний баҳо

Redmi Note 9 Pro зўр смартфон. Арзон нархига нисбатан сизга яратадиган қулайликлари кўпроқ. Уни харид қилган мижознинг ҳафсаласи пир бўлмайди. realme ўзининг 90Hz янгиланиш частотасига эга экрани билан мақтаниши мумкин, аммо Redmi бунга қарши шиша дизайни ва катта сиғимли аккумулятори билан зарба бера олади. Бундан ташқари, MIUI интерфейсида ишлаши кўпчилкка манзур келиши мумкин.

Олдиндаги бир неча ой давомида Redmi Note 9 Pro энг қайноқ таклифлардан бўлиб қолади. Агар смартфон олмоқчи бўлсангиз ва бу қурилмани чўнтагингиз кўтарса, Redmi Note 9 Pro'ни олишни тавсия қиламиз.

Афзалликлари:
> Gorilla Glass 5'га эга чиройли корпус, сув сачрашидан ҳимоя;
> Катта ва ёрқин LCD экрани, HDR10;
> Юқори даражадаги аккумулятор автономлиги, тезкор қувватлаш;
> Тоифаси доирасида максимал самарадорлик;
> Тоифаси доирасида яхши фото ва видео сифати;
> Энг сўнгги Android ва MIUI;
> NFC.
Камчиликлари:
> Арзонроқ нарх учун realme 90Hz дисплейли смартфон таклиф қилади;
> Селфи камера тирқиши атрофидаги экран ёруғлиги бир текис эмас.

ЎҚИНГ: Samsung Galaxy A51'нинг тўлиқ тавсифи билан танишамиз

Хулоса

9.2балл

Дисплей

Аккумулятор

Камера

Самарадорлик

Нарх

Қаердан сотиб олиш мумкин?

Radius 2 447 000 сўм (64GB) Сотиб олиш
Mediapark 2 421 000 сўм (64GB) Сотиб олиш
Olcha 2 686 000 сўм (64GB) Сотиб олиш
Asaxiy 2 499 000 сўм Сотиб олиш
Openshop 3 705 000 сўм (64GB; 6 ойга бўлиб тўлаш) Сотиб олиш

 Афзаллиги

  • Gorilla Glass'га эга чиройли корпус
  • Сув сачрашидан ҳимоя
  • Катта ва ёрқин LCD экран
  • HDR10
  • Юқори даражадаги аккумулятор автономлиги
  • Тезкор қувватлас
  • Тоифаси доирасида максимал самарадорлик
  • Тоифаси доирасида яхши фото ва видео сифати
  • Энг сўнгги Android ва MIUI
  • NFC

 Камчилиги

  • Арзонроқ нарх учун realme 90Hz дисплейли смартфон таклиф қилади
  • Селфи камера тирқиши атрофидаги экран ёруғлиги бир текис эмас
Хабарларни тез ва осон ўқиш учун Андроид иловамизни сақлаб олинг.