Tesla Apple қила олмаган ишни қилди!

Tesla Apple қила олмаган ишни қилди!

Apple компанияси 2017 йилда AirPower номли ўзининг симсиз зарядлаш платформасини тақдим қилган эди. У бир вақтнинг ўзида учта қурилмани заряд қилиш учун мўлжалланган бўлган. Афсуски, 2018 йилда чиқарилиши керак бўлган қурилма 2019 йилга келиб, ҳали бозорга чиқмасдан бекор қилинган. Бироқ, бугунга келиб Tesla худди шундай ғояга асосланган симсиз зарядлаш палтфорамасини тақдим қилди.

Илон Маскнинг Tesla компанияси бир вақтнинг ўзида учтагача қурилмаларни (ҳар бири учун) 15 Вт тезликда зарядлай оладиган Симсиз Зарядлаш Платформасини сотувга чиқарди. Компаниянинг таъкидлашича, қурилманинг бурчакли дизайни ва металл стили - корпус аслида алюминийдан ясалган - Cybertruck'дан илҳомланиб яратилган. Унинг қурилмалар зарядлаш учун қўйиладиган юзаки қисми эса замшга ўхшаш алкантара материалидан тайёрланган.

Айтиш керакки, Tesla симсиз зарядлаш платформаси FreePower технологиясига асосланган, яъни сиз Qi симсиз заряладланишни қўллаб-қувватлайдиган қурилмаларингизни платформанинг исталган жойига қўйиш билан зарядлай оласиз ёхуд қурилмаларни зарядлаш учун аниқ жойга қўйиш талаб қилинмайди.

Tesla Симсиз Зарядлаш Платформаси учун аллақачон буюртма бериш бошланган. Зарядловчи қути ичида уни текис ёки қия ётган ҳолда ушлаш имконини берадиган магнит тиргак билан USB-C кабел ва 65 ваттлик қувват адаптери билан келади. Унинг нархи 300 доллар бўлиб, уни етказиб бериш 2023 йилнинг феврал ойидан бошланади.

ЎҚИНГ: Galaxy S23 сериясининг илк тахминий тақдимот санаси маълум бўлди