Tesla энг арзон Model 3 электрокарини сотувга чиқарди
Ўзининг электромобиллари билан танилган Tesla компанияси арзон Model 3 электрокарининг савдосини бошлади. У стандарт версиядан аккумуляторининг сиғими камроқ эканлиги билан фарқ қилади.
ЎҚИНГ: Илон Маск катталар учун ҳам Tesla’нинг митти нусхасини тақдим этмоқчи
Бу ҳақда унинг асосчиларидан бири ва ижрочи директори Илон Маск ўзининг Twitter-аккаунти орқали хабар берган. Ўз твитида у мазкур электромобилни харид қилиш саҳифасига элтувчи ҳаволани эълон қилган.
Ҳамёнбоп Model 3 электромобилининг битта қувват билан юриш масофаси 420 километрни ташкил этади. Машина 100 км/соат тезликка чиқиши учун 5,6 сония вақт сарфлайди. Унинг энг юқори тезлиги эса 201 км/соатга тенг.
«Арзон» дейилаётган Model 3 электрокарининг нархи 45000 долларга тенг, бу – давлат томонидан тақдим этиладиган 7500 доллар миқдоридаги солиқ чегирмасини ҳисобга олмаганда.
ЎҚИНГ: Ford Teslaнинг устидан кулди: компания раҳбари 7000 та машинани 4 соатда йиғишини маълум қилди