Tesla'нинг одамсимон роботлари қачон чиқарилади?

Tesla'нинг одамсимон роботлари қачон чиқарилади?

Tesla компанияси ўзининг инсон шаклидаги роботининг илк прототипини бир неча ойдан кейин тақдим қилиши мумкин. Бу ҳақида компания раҳбари Илон Маск ўзининг Twitter саҳифасида маълум қилди, дея хабар бермоқда Bloomberg нашри.

Миллиардернинг сўзларига кўра, Tesla'нинг иккинчи "AI Day" (сунъий интеллект куни) 30 сентабрга кўчирилди ва бу вақтгача компания Optimus'нинг ишлайдиган прототипини яратади.

Optimus номли одам шаклидаги робот 2021 йилнинг августида Tesla'нинг биринчи сунъий интеллект кунида кўрсатилган ва Маск бундай роботлар кўп такрорланадиган, зерикарли ёки одам учун хавфли бўлган ишларни бажариш учун чиқарилиши айтган эди.

Шунингдек, Tesla Bot деб ҳам аталадиган робот-гуманоид "вақт ўтиши билан автомобил бизнесидан ҳам муҳимроқ бўлиш потенциалига эга бўлади” дейди Илон Маск.

2021 йилги "AI Day" тадбирида берилган маълумотларга кўра, Optimus бўйи 173 сантиметр атрофида, оғирлиги эса 57 килограм бўлади ва у 20 кг оғирликдаги юкларни кўтара оладиган бўлади. У ишлайдиган тизим эса Tesla ўзининг электромобилларида фойдаланиш учун яратаётган сунъий интеллект тизимига асосланган бўлади.

ЎҚИНГ: Snapdragon 8+ Gen 1 чипи билан чиқариладиган илк смартфон

Хабарларни тез ва осон ўқиш учун Андроид иловамизни сақлаб олинг.