Технологик ҳазиллар
Агар дўстларинг доим сени мақташларини истасанг, телефонинг интернетини вай-фай қилиб тарқат.
***
Агар Ҳотамтой бизни замонда яшаганда вай-файга парол қўймаган бўларди.
***
Она боласига эртак ўқиб беряпти: Шундай қилиб Зумрад ўрмонда отасини йўқотиб қўйибди. Отаси ҳам уни қидириб-қидириб тополмабди.
Бола тўсатдан: Нега, телефон қилса бўлмасмиди?!
***
Фойдаланиш шартларига рози бўлиш худди Одам Атонинг никоҳига ўхшайди, рад этиш мумкин, аммо бошқа танлов йўқ.
***
Баъзида интернетдаги роботлар бизни робот эмаслигимизни исботлашни сўрайди, товба.
***
Ҳозир эртакдаги ака-ука ботирлар қайси томонга юришни Random.org сайти орқали аниқлашади.
***
Ҳозирги замонда негроид, европоид ва монголоид ирқларидан ташқари андроид деган ирқ ҳам пайдо бўлган. Фақат у ирқ барча материкларда яшайди.
***
Фарҳод отасининг хазинасидан эски Galaxy Note смартфонини топиб олиб, Ширин билан Imo орқали гаплашган экан.
***
Бўри бармоқ изидан фойдаланган ҳолда эшикни очолмагач, она эчкининг бармоқ изларини сохталаштиради ва улоқчаларни еб кетмоқчи бўлади. Бўри жуда кучли хакер бўлган экан.
***
Кутубхонадаги статусдан: Last seen a long time ago