Тезкорлик рейтингида Galaxy S20 учлиги барча рақибларининг «абжағини чиқарди»! (Master Lu, 2020 йил февраль)
Смартфонларнинг самарадорлиги бўйича AnTuTu, Master Lu ва Geekbench сингари бенчмарк сервислари эълон қилган турли рейтингларни бериб келмоқдамиз. Бугун шулардан иккинчиси тақдим этган навбатдаги маълумотлар билан танишамиз.
ЎҚИНГ: «Сайёрамиздаги энг қудратли смартфон» AnTuTu’да салкам 621 000 балл олди!
Master Lu бенчмарки ушбу сервисда 2020 йилнинг февралида текшириб кўрилган энг кучли смартфонлар рейтингини чиқарди. Унга кўра, Samsung яқинда намойиш қилган Galaxy S20 Ultra, Galaxy S20 Plus ҳамда Galaxy S20 флагманлари тегишлича биринчи, иккинчи ва учинчи ўринларни забт этган! Буни қарангки, Xiaomi «янги авлод самарадорлик қироли» дея мақтаган Mi 10 Pro зўрға бешинчи ўринга илиниб қолган, ҳаттоки ундан арзон рақиби – Realme X50 Pro 5G ҳам бир поғона баланд – тўртинчи ўринда!
Кейинги ўринларни тегишлича Vivo iQOO 3 5G, ZTE Axon 10s Pro, Xiaomi Mi 10, Samsung Galaxy Z Flip, Huawei Mate Xs, Sony Xperia 1 II, Sony Xperia 10 II ҳамда Sharp Aquos R5G эгаллаган.
Айтиш керакки, Master Lu бенчмарки ўзининг хилма-хил рейтинглари билан эътибор қозониб келаётир. Унинг маълумотлари асосида антеннаси энг кучли смартфонлар, энг қаттиқ қизиб кетувчи смартфонлар, «сунъий онг»ли смартфонлар процессорлари ҳамда энг тезкор, равон ва қулай интерфейсли смартфонлар, 2019 йилда энг кўп сохталаштиришган смартфонлар, 2019 йилнинг энг барқарор смартфонлари ва прошивкалари ҳамда энг тезкор саккизта янги смартфон рейтингларини тақдим этганмиз.
ЎҚИНГ: AnTuTu’да «Сайёранинг энг қудратли смартфони»ни ҳам «ер тишлатган» янги қирол!
