The Game Awards 2016 танловининг ғолиблари эълон қилинди

Йилнинг энг яхши компьютер ўйинлари аниқлашга мўлжалланган халқаро The Game Awards танловининг 2016 йилги ғолиблари эълон қилинди. Ўйинлар АҚШнинг энг машҳур компьютер ўйинлари яратадиган нашрлар тарафидан сараланган. Шундай қилиб, Overwatch ўйини The Game Awards 2016 танловининг энг яхши ўйини, Blizzard Entertainment эса йилнинг энг яхши ўйин яратувчи компанияси деб тан олинди.

Pokemon GO танловнинг энг яхши мобил ўйин ва энг яхши оилавий ўйин номинацияларида ғолибликни қўлга киритди. Rez Infinite энг яхши VR-ўйин деб топилган. Танловнинг энг яхши бадиий дизайн йўналишида ғолиблик INSIDE ўйинига насиб қилди. Шу билан бирга, DOOM ўйини энг яхши экшн, Uncharted 4: A Thief’s End эса энг яхши сюжетли ўйин деб эътироф этилди.

Ғолибларнинг тўлиқ рўйхати билан бу ерда танишиб чиқишингиз мумкин.