Тикланган Galaxy Note 7: сотувга чиқиш фурсати, нархи айтилди
Жорий йил март ойи охирроғидаи Samsung Electronics қайта тикланган Galaxy Note 7 гаджетларини Ҳиндистон ва Вьетнамда сотувга чиқаришини расман тасдиқлаган эди.
Samsung компанияси 2016 йилда омадсизликка учраган Galaxy Note 7’ни июндан бошлаб кореялик етказиб берувчилар орқали сота бошлайди. Бу тўғрида Жанубий Кореянинг таниқли ET News нашри хабар тарқатмоқда. Маълумотларга кўра, флагман аккумуляторининг ёниб кетиши ҳолатлари оммавий кузатилгани боис, ортга чақириб олинган 3-4 миллион дона Note 7’дан фақат 300,000 донаси сотувга чиқарилади.
Қайта тикланган флагманга 3,500 мА соатли “қувват тоши” ўрнига 3,200 мА соат электр токи сиғимига эга батарея ўрнатилади. Шунингдек, қурилма учун янги дизайндаги корпус тайёрланган. Демак, янги талқин дизайни аслидан бир оз фарқ қилиш мумкин. Шу билан бирга, унга Android 7.0 Nougat операцион тизими ўрнатилади.
Galaxy Note 7 R (SM-N935) номи билан сотувга чиқадиган смартфоннинг 700,000 вон, яъни $620 доллардан сотувга чиқиши айтилмоқда. Эслатиб ўтамиз, 2016 йилнинг сентбяр ойида Galaxy Note 7 Кореяда $878 доллардан сотувга чиқарилган эди. Galaxy Note 7’даги носозлик компанияга 5,2 миллиард долларга тушган.
