Тирналган смартфон экрани учун тиш пастаси даво бўла оладими?

Тирналган смартфон экрани учун тиш пастаси даво бўла оладими?

Смартфонимиз ҳар доим биз билан экан уни турли хил жойларга қўямиз ёки калитлар бор чўнтагимизга ёки сумкамизга солиб қўямиз, баъзан эҳтиёцизлик қилиб тушириб юборишимиз ҳам мумкин. Натижада унинг экрани тирналади. Албатта бундай ҳолат ҳеч кимга ёқмаслиги ани.

Кўпинча Интернетда тирналган смартфон экрани учун тиш пастасини даво қилиб кўрсатишади, худдики тиш пастаси экрандаги бўшлиқларни тўлдиради ва дисплейнинг қавариқ қисмини силлиқ қилади. Бироқ Xiaomi бу лайфҳакнинг ғирт бефойда эканлигини маълум қилди ва ўзининг расмий YouTube саҳифасига унинг иш бермаслигини исботлайдиган видео жойлади.

Видеодан кўриш мумкинки, тиш пастасидан аввал ҳам, кейин ҳам экран кўриниши деярли ўзгармаган. Компания бу лайфҳакнинг фойдасидан кўра зарари кўп эканлигини таъкидлайди ёхуд тиш пастаси аслида ишқорий модда эканлигини ҳисобга олсак, у смартфон дисплейи устидаги олеофоб қопламани йўқ қилади. Ушбу қатлам экранни асосан бу чанг ва бармоқ излари доғларидан сақлашга ёрдам беради.

Хўш унда нима қилиш керак? Xiaomi бундай ҳолатларда ўзининг расмий мижозларни қўллаб-қувватлаш марказига мурожаат қилишни тавсия қилади. Касални даволагандан кўра уни олдини олган афзал ёхуд смартфонингиз экранини тирналишини хоҳламасангиз унга ҳимоя экранларини ўрнатишни унутманг.

ЎҚИНГ: Nubia З50 смартфони Snapdragon 8 Gen 2 билан тақдим қилинди!

Хабарларни тез ва осон ўқиш учун Андроид иловамизни сақлаб олинг.