ТОП-10: Энг кучли смартфонлар билан танишамиз! (AnTuTu, 2019 йил август)
Куни кеча AnTuTu жамоаси шу йилнинг август ойида намойиш этилиб, мазкур бенчмаркда текшириб кўрилган смартфонларнинг самарадорлик рейтингини эълон қилган эди. Энди эса ушбу сервисда синаб кўрилган барча телефонларнинг рейтингини ҳам тарқатди.
ЎҚИНГ: Ўтган ҳафтада трендда бўлган топ 10 смартфон (ўттиз бешинчи ҳафта)
Шу ўринда бир жиҳатни таъкидлаб ўтиш лозим: мазкур бенчмарк иловаси яқинда янгиланиб, AnTuTu V8 талқинида тақдим этилган. Унда девайсларнинг кучини ҳисоблаш алгоритми ўзгарганлиги боис, смартфонлар самарадорлигини солиштириш учун уларнинг айнан бир хил версиядаги бенчмаркда текшириш керак бўлади. Қуйидаги рейтинг айнан шунақа – энг сўнгги AnTuTu иловасида синалган смартфонлар натижалари келтирилган.
Шу тариқа, унда биринчи ўринни Xiaomi компанияси июль ойи охирида намойиш қилган ўйинбоп Black Shark 2 Pro смартфони эгаллади – нақ 469708 бал! Бу рейтингда кумуш медалга ҳам геймерофон сазовор бўлган. Яъни, Asus ROG Gaming Phone 2 модели етакчидан салгина кам – 469590 очко олган. Бу иккиси энг қудратли Snapdragon 855 Plus чипсетига эга бўлса, 447345 балл билан кучли учликни якунлаб берган OnePlus 7 Pro смартфони Snapdragon 855 процессори базасида ишлайди.
Кўриб турганингиздек, тўртинчи поғонани ўтган ойдаги рейтинг етакчиси Nubia Red Devil 3 (Nubia Red Magic 3) геймерофони 443452 балл билан банд этган. Кейинги ўринларда эса тегишлича OnePlus 7 (443241 балл), Black Shark 2 (442971 балл), Xiaomi Mi 9 Explorer Edition (440740 балл), ZTE Axon 10 Pro 5G (437591 балл), Meizu 16s (433388 балл) ҳамда Redmi K20 Pro (432159 балл) смартфонлари турибди.
Эътибор берган бўлсангиз, кучли ўнликнинг нақ тўртта поғонасини Xiaomi смартфонлари эгаллаган ва биринчи марта унинг ҳамёнбоп бренди вакили қудратлилар рейтингига кирган. Гарчи айнан бу моделлар ҳали бизга расман кириб келмаган бўлса-да, компаниянинг айрим телефонларини 670 000 сўмдан бошланувчи нархларда Terashop.uz интернет-дўконимиздан сотиб олиш мумкин.
ЎҚИНГ: Telegram дастурчилари Xiaomi ва Huawei смартфонлари эгаларига зўр маслаҳат беришди
