ТОП-10: «Сунъий онг»ли смартфонлар процессорлари рейтинги
Хитойнинг машҳур Master Lu бенчмарки смартфонларнинг самарадорлигидан ташқари, бошқа жиҳатларини ҳам текшириши билан эътиборга лойиқ. Масалан, куни кеча у эълон қилган рейтинг асосида антеннаси энг кучли смартфонлар рейтингини тақдим этгандик.
ЎҚИНГ: Энг қаттиқ қизиб кетувчи смартфонлар эълон қилинди
Ушбу сервис жамоаси энди «сунъий интеллект»ни қўллаган ҳолда вазифаларни бажаришдаги самарадорлигига кўра мобил процессорларни ҳам текшириб кўрди. Мазкур рейтингни тайёрлашда экспертлар 2019 йилнинг биринчи ярми ҳолатига кўра маълумотлардан фойдаланишган.
Шундай қилиб, «сунъий онг»ли процессорларнинг етакчиси Qualcomm флагмани – Snapdragon 855 бўлди. Мазкур чипсет, масалан, Samsung Galaxy S10+ (сотиб олиш) смартфонида қўлланган. Иккинчи ўриндаги Apple A12 процессори эса iPhone XS (харид қилиш) ҳамда iPhone XR (сотиб олиш) моделларига ўрнатилган. MediaTek компаниясининг Helio P90 процессори (OPPO Reno Z моделида қўлланган) кучли учликни якунлаб берган.
Буни қарангки, Huawei томонидан айнан «сунъий идрок» бўйича энг зўр процессор, дея мақталган Kirin 980 чипсети атиги тўртинчи ўриннигина эгаллай билган. Кучли ўнталикнинг қолган ўринларини эса америкалик чипсознинг турли русумлардаги Snapdragon чиплари банд этган.
