Топ-7: Ўзбекистонда яхши сотилаётган Xiaomi смартфонлари ва нарх-навоси

Топ-7: Ўзбекистонда яхши сотилаётган Xiaomi смартфонлари ва нарх-навоси

Xiaomi тобора жаҳон смартфон бозорида кўп ва хўп сотилмоқда. Омадини берсин, компания ҳам тиним билаётгани йўқ. Рақобат кучли бу замонда бозорни эгаллаш осон эмас. Эмишки, Xiaomi маҳсулоти арзон ва сифатли. Бу иддаони инкор этиб бўлмай қолди. Гап шундаки, у рақобатчилариникидан кўра энг арзон девайсларни тақдим қилмоқда.

Қуйида бренднинг бутун жаҳонда ва юртимизда яхши сотилаётган 7 смартфон моделини саралаб кўришга ҳаракат қилдик. Ўзига хос жиҳати шундаки, бунда сайтимиздан энг кўп изланган моделларга эътибор қаратдик.

Шундай қилиб, илк оммабоп "сяомини" эълон қиламиз: 5 дюймли ҳамёнбоп Xiaomi Redmi 4X модели! Бу смартфон узоққа етадиган аккумулятор қуввати, ихчам ўлчами, металл корпуси ва пулига муносиб кучли техник жиҳатлари билан барчанинг диққатини ўзига тортган. Бу мобил алоқа воситаси "Малика"да 1 049 600 сўмдан бошлаб сотилмоқда.

Ундан кейинги, иккинчи ўринда Redmi 4A модели турибди. Бу модел жуда арзон, шу билан бирга пластик корпуси билан ажралиб туради. Унинг платформаси ҳам бир оз "нимжон"роқ. Нархи эса, анча-мунча арзон. Бу мобил алоқа воситаси "Малика"да 943 000 сўмдан бошлаб сотилмоқда.

Учинчи ўринни Xiaomi Redmi Note 4X модели эгаллаб турибди. Бу модел пулига нисбатан кучли платформа тизими, 5,5 дюймли йирик экрани билан ўзига хосдир. Бу мобил алоқа воситаси "Малика"да 1 238 200 сўмдан бошлаб сотилмоқда.

Тўртинчи ўринда яқиндагина тақдим қилинган ва сотувга чиқарилган Xiaomi Mi A1 банд қилиб турибди. Унинг асосий жиҳати эса тоза андроид экани, яъни ишлаб чиқарувчининг MIUI прошивкасига эга бўлмаганидир. Бу мобил алоқа воситаси "Малика"да 2 091 000 сўмдан бошлаб сотилмоқда.

Бешинчи ўринга Xiaomi Redmi Note 5A муносиб кўрилибди. Унинг баҳоси ҳам нисбатан ҳамёнбоп ва 5,5 дюймли экрани фойдаланувчига маъқул бўлади. Шу билан бирга, бу моделнинг техник жиҳатлари ҳам ёмон эмас. Ҳарқалай, пулига нисбатан шундай. Redmi 4A'дан фарқли равишда, Redmi Note 5A корпуси тўлиқ металлдан ишланган ҳамда олд панел Corning Gorilla Glass ҳимоя шишаси билан қопланган. Redmi Note 5A'нинг юқори талқинидагина бармоқ излари сканери жорий қилинган.

Бу мобил алоқа воситаси "Малика"да 1 066 000 сўмдан бошлаб сотилмоқда. 100 долларлик смартфонлар орасида Xiaomi Redmi Note 5a каби сураткашни девайсни топиш имконсиз.

Олтинчи ўрин, ҳақиқий кинотетар деб ном олган Xiaomi Mi Max 2 моделига насиб қилибди. Унинг бош жиҳати қаторида 6,44 дюймли, юқори сифатли дисплейини келтириш мумкин. Бу телефонни 2 қўлда ушлаш керак бўлади. Шу билан бирга, унда тасвир томоша қилиш, интернетда сайр қилиш ҳамда иловалардан фойдаланиш жуда қулай. Бу мобил алоқа воситаси "Малика"да 2 091 000 сўмдан бошлаб сотилмоқда.

Сўнгги, яъни 7-ўринни бу йилнинг энг илғор гаджетларидан бири бўлган Xiaomi Mi 6'га беришга қарор қилдик. Унинг энг сўнгги технологик жиҳатлар билан "қуроллантирилгани" диққатга сазовор. Mi 6 кафт учун яратилгандек — 5.15 дюймли экранга эга. Xiaomi флагманининг энг катта ўзига хослиги — унда янги ва кучли Qualcomm Snapdragon 835 платформасидан фойдаланилгани бўлди.

Флагманда X16 LTE мобил алоқа модеми ўрнатилган бўлиб, унинг ёрдамида секундига 1 Гбит.гача маълумотни юклаш мумкин. Xiaomi Mi 6 гаджетидаги Adreno 540 ёрдамчи график-тасвир процессорининг ишлаш самарадорлиги 25% юқори ва қувватни 45% камроқ истеъмол қилади.

Нарх-навоси эса жуда арзон. Бу мобил алоқа воситаси "Малика"да 3 772 000 сўмдан бошлаб сотилмоқда.

Натижалар кутилмаган, десак хато бўлади. Юртдошларимиз имкон қадар арзон ва камтарин смартфонларни маъқул кўрмоқдалар. Xiaomi қимматбаҳо телефонлар ишлаб чиқариш ҳадисини ҳам олган. Бироқ, бизнинг бозорда Redmi ҳамда Redmi Note туркумларига қизиқиш юқори экан.