Топ-7: юртимизда энг харидоргир Xiaomi смартфонлари ва нархлари (4 Март)
Бугун Тошкентда ёмғир тинмаган бўлса ҳам, "Малика" харидорлар билан гавжум. Байрам тадориги авжида. Ҳар ким ўзига маъқул келган смартфон моделларини ўрганиб, муносибларини харид қилмоқда. Дам олиш кунидан фойдаланиб, смартфон бозорини яқиндан ўрганиб чиқдик. Ҳамкор дўконларда бўлиб, вазиятни кўздан кечирдик ва тўпланган маълумотлар асосида мазкур бренднинг юртимизда яхши сотилаётган моделларини аниқлашга ҳаракат қилдик.
Xiaomi смартфонларини ортиқча кўкларга кўтариш энди шарт бўлмай қолди. Компания оммалашгани сайин смартфонларининг дизайн, техник жиҳатдан ҳам имкониятлари ошиб бормоқда ва сифатга кўз тегиб қолаётгани йўқ. Ўзбекистонда ҳам бу бренд тобора оммалашмоқда, ҳатто яқиндагина Тошкент шаҳрида расмий хизмат кўрсатиш маркази ҳам ишга туширилди.
Буни қарангки, 2017 йилдан бошлаб мамлакатимизда энг яхши сотилишда Xiaomi Redmi 4X модели биринчиликни қўлдан бой бермаяпти. Айни пайтда Redmi 4X модели 1 миллион сўмдан (2/16 ГБ), 1.2 миллион сўмгача (3/32 ГБ) сотилмоқда. Унинг энг катта афзаллиги сифатида сифатли экрани, металл корпуси ҳамда 2-3 кунга етадиган қувват сиғимдорлигини айтиш мумкин. Компания бу моделнинг бутун жаҳонда оммабоплигини ҳам эълон қилган эди.
Иккинчи ўринда эса компания ишлаб чиқараётган энг арзон смартфон модели -- Redmi 4A турибди. Айни пайтда юртимизда уни 846 600 сўмдан (2/16 ГБ) бошлаб харид қилиш мумкин. Бу модел сифатли дисплей, пластик корпус, бир текис ишлайдиган бошланғич даражали процессор, узоққа етадиган аккумулятор, ўртача камера билан таъминланган.
Учинчи ўрин соҳиби Redmi Note 4X фаблети. Бу туркум ўзининг йириклашган дисплейи билан ажралиб туради. Сифатли экрани, узоққа етадиган аккумулятори, ёқимли дизайни, қулай нархи ва янги процессори тежамкор харидор учун айни муддао. Айни пайтда Redmi Note 4X девайси юртимизда 1.1 млн сўмдан (2/16 ГБ) бошлаб, 1.5 миллион сўмгача (4/64 ГБ) сотилмоқда.
Тўртинчи ўринда нисбатан кучли камераси ва Google'нинг тўғридан-тўғри ғамхўрлигига эга бўлувчи Xiaomi Mi A1 модели турибди. Қўш сенсорли бош камера "портрет режими"да суратга олади. Металл корпусли смартфон "тоза" Android Oreo тизимида фаолият кўрсатади. Mi A1 юртимизда 1.8 миллион сўмдан (3/32 ГБ) бошлаб сотилмоқда.
Гарчи, бу моделда сифатли экран, илғор чип ва узоққа етадиган батарея бўлса ҳам, кўпчилик унинг тезкор қувватлашга ёки NFC модулига эга бўлмаганидан афсусда.
"Кучли бешлик"ни яқиндагина юртимиз бозорларига етиб келган Xiaomi Redmi 5 якунлаб берган. 5,7' дюймли, 1440x720 пиксел сиғимли (HD+), ёрқин экран, замонавий дизайн ва яхши аккумуляторга эга бўлган смартфон учун юртимизда 1,3 млн сўм сўралмоқда. Унинг камчилиги сифатида NFC модули йўқлиги (унинг ёрдамида электрон тўловларни контактсиз амалга ошириш мумкин) ни айтиш мумкин.
Redmi 5 Plus эса энг харидоргир смартфонлар рўйхатида олтинчи ўринни эгаллаган. Redmi 5+ модели учун юртимиздаги смартфон дўконлари 1.5 млн сўмдан (3/32 ГБ), 1.8 миллион сўмгача (4/64 ГБ) нарх белгилаган.
5,99 дюймли ва пиксел сиғими 2160x1080 белгига тенг, яъни FullHD+ бўлган смартфон нархига қараганда анча самарадор процессорга эга бўлган. Замонавий кўриниш ва яхши аккумуляторга гап йўқ, фақат бу ҳам NFC модулга эга бўлмагани чатоқда. Айтиб бўладими, ахир кун келиб бизда ҳам контактсиз тўловлар ҳам ривожланиб кетар.
Биз "ҳамёнбоп кинотеатр" деб ном берган Xiaomi Mi Max 2 модели рейтингни якунлаб берган. Xiaomi Mi Max 2 девайси 6.44 дюймли Full HD (1920 х 1080 пикселли) экранга эга.
Меломанлар учун энг катта янгилик — гаджетдаги стерео, яъни 2 та аудио карнайлардир! Овознинг таралиши тоза ва жарангдор. Бас овоз энг юқори пардада ҳам хириллаб қолмайди. Юқори частотада ҳам, ўрта частотада ҳам товуш узатиш тизими кўнгилдагидек.
Xiaomi Mi Max 2 юртимизда 1.8 миллион сўмдан бошлаб сотилмоқда.
Дарвоқе, юқоридаги девайсларни шу нархларда харид қилиш учун, +998-97-773-44-12 телефон рақами орқали «Terabayt.uz» сайти менежерига мурожаат қилишингиз мумкин. Илтимос,мурожаат этганингизда, нархларни ва сайтда берилган бошқа маълумотларни қайтадан сўраб овора қилманг, ўзингизнинг ва ўзгаларнинг вақтини қадрланг.
