Тўққизта Xiaomi смартфонига душанба куниёқ MIUI 10 тақдим этилади, аммо биттагина «лекин»и бор...

  •   DiMaX
  •  2629
  •  21.07.2018 09:45

Тўққизта Xiaomi смартфонига душанба куниёқ MIUI 10 тақдим этилади, аммо биттагина «лекин»и бор...

Xiaomi корпорацияси 31 май куни ўзининг MIUI 10 талқинидаги операцион тизим қобиғини тақдим этган эди. Энди ушбу дастурий таъминот жамланмаси «хитойча Apple»нинг кўплаб моделлардаги мобил қурилмаларига босқичма-босқич тарқатилмоқда.

ЎҚИНГ: Xiaomi'нинг 29 та смартфон модели MIUI 10'га эга бўлди

Бугун  – 2018 йилнинг 21 июлида Xiaomi компанияси Weibo ижтимоий тармоғидаги ўз расмий аккаунти орқали яна битта хушхабарни эълон қилди. Унга кўра, корпорациянинг жуда оммабоп бўлган яна тўққизта смартфони учун MIUI 10 прошивкаси тайёр бўлган. Уни расман тарқатиш душанба – 23 июлдан бошланади, бироқ янгиланишлар уларнинг барчасига бирданига келмасдан, балки босқичма-босқич тарқатилади. Янгиланишларнинг «ҳаво орқали» келишини кутишга тоби йўқлар эса прошивка файлини ишлаб чиқувчининг сайтидан юклаб олиб, мустақил тарзда ўрнатишлари мумкин.

Демак, MIUI 10 талқинидаги прошивкалар душанба куни қуйидаги моделлар учун тақдим этилади:

Mi 4;

Redmi Note 3;

Redmi 3S;

Redmi 3X;

Redmi Pro;

Redmi Note 4;

Redmi Note 4X (MTK);

Redmi 4;

Redmi 4A.

ЎҚИНГ: РАСМАН: Xiaomi глобал MIUI 10 бета-талқини тарқатилиш жадвалини эълон қилди

Юқорида кўрсатилган русумлардаги Xiaomi смартфонлари эгалари MIUI 10 прошивкаси имкониятларидан баҳра олишлари мумкин бўлади, аммо масаланинг яна бир жиҳатини ҳам эътибордан қочирмаслик керак. Мазкур дастурий таъминотнинг ўрнатилиши – смартфоннинг энг сўнгги талқиндаги Android Oreo операцион тизимигача янгиланиши, дегани эмас.

Яъни, айрим моделлардаги Xiaomi мобил қурилмалари учун тақдим этилаётган MIUI 10 прошивкаси Android операцион тизимининг энг охирги – Oreo талқини эмас, балки Android Marshmallow ёки Nougat талқини базасида тайёрланган. Лекин бунинг ёмон томони йўқ – хитойлик прошивка ишлаб чиқувчилар прошивканинг кўплаб унсурлари ҳамда интерфейсини шундай янгилашганки, ташқи кўринишидан улар Android P талқинига ўхшайди.

ЎҚИНГ: Сиз узоқ кутган функция Android P талқинида бўлади!

Terabayt.uz сайтининг видеолари: Youtube'даги каналимизда!