Тўрт нанометрлик жараён асосида яратилган дунёдаги илк чипсет намойиш этилди

Тўрт нанометрлик жараён асосида яратилган дунёдаги илк чипсет намойиш этилди

MediaTek компания ўзининг флагман даражадаги Dimensity 9000 чипини тақдим этди. Dimensity 9000 тўрт нанометрлик жараён асосида яратилган дунёдаги илк чипсет бўлди. Чип энди юқори унумдорлик билан бир қаторда қувват самарадорлигини ҳам таклиф этади. 

Чип 1+3+4 тузилмасида ишлаб чиқарилган бўлиб, у битта Cortex-X2 ядроси, учта 2.85 гигагертсли Cortex-A710 ядроси ҳамда тўрта 1.8 гигагертсли Cortex A510 ядросидан ташкил топган. 

Чипсет LPDDR5x оператив хотираcини қўллаб-қувватлайди.  Шунингдек, чип 14МБ кешга эга бўлиб, у 8МБ кешга нисбатан унумдорликни 7% га оширади. 

Дастлабки GeekBench кўрсаткичларида Dimensity 9000 чипи Snapdragon 888 ортда қолдирди. Янги чипнинг қайд этган натижаси Apple A15 Bionic қайд этган натижаси билан деярли бир хил. Графика учун янги ўн ядроли Mali-G710 гарфик процессори жавоб беради. 

Dimensity 9000 чипи Bluetooth 5.3, Wi-Fi 6E 2х2 симсиз боғланиш тармоқлари ҳамда True Wireless Stereo Audio ва Beidou III-B1C GNSS стандартини қўллаб қувватлайди.  

Чипининг сурат сигнал процессори назарий жиҳатдан бир вақтда учта камерада HDR 4K форматдаги видеоларни ёзиб олиши мумкин. Чип 18 битли 4К HDR видеони тақдим этиши учун секундига 270 кадрни қайта ишлаши мумкин. Сурат сигнал процессори шунингдек, 320 мегапикселгача бўлган камера сенсорларини ҳам қўллаб-қувватлайди.

ЎҚИНГ: Qualcomm флагман чипининг номини ўзгартирди 

Сайт янгиликларидан доимий хабардор бўлиш учун Телеграм каналимизга қўшилинг!