Тўртта объективли бош камерага эга Galaxy A9 Star Pro смартфони илк суратларда!
Ўтган ҳафтада Samsung компанияси асосий камераси тўртта объективга эга смартфон тайёрлаганига ишора қилиб, таклифнома тарқатганди. Энди эса AllAboutSamsung сайтининг Instagram-саҳифаси шу гаджетнинг илк рендер суратларини эълон қилди.
ЎҚИНГ: РАСМАН: Samsung тўрт модулли бош камерага эга смартфон тақдимотига таклиф қиляпти!
Хабарга кўра, энг «серкамера» ушбу смартфон Galaxy A9 Star Pro деб номланади. Унинг бош камерасидаги тўртта модул тикка жойлашади, улардан ўнгроқда – орқа панелнинг ўртасида эса дактилоскопик датчик ўрнатилган.
AllAboutSamsung нашрига кўра, Samsung Galaxy A9 Star Pro айнан шундай кўринишга эга бўлишини бир-биридан мустақил бўлган бир нечта манба тасдиқлаган. Расман 11 октябрда намойиш этиладиган бу смартфон бозорга оддий кора рангли, шунингдек жилвакор (градиент) мовий ва пушти тусли корпусларда тақдим қилинади. Унинг «электрон юраги» сифатида эса Snapdragon 710 чипи танланган.
Жанубий кореялик гигант шу кунгача бозорга чиқарган аксарият русумлардаги смартфонлар эса Terashop.uz интернет-дўконимизда сотилмоқда. Улар билан танишиш, ўзингизга маъқул моделнинг хусусиятларини кўриш ва онлайн харид қилиш учун мана бу ҳавола орқали ўтишингиз мумкин.
