Тошкент метросида йўл ҳақини электрон тарзда тўланади
Тошкент метрополитени вакиллари матбуот конференциясида ҳозир тармоқда оптик толали кабеллар ўтказиш ишлари кетаётганлигини айтишди. Электрон тўлов тизимининг ўзи эса яқин йилларда ишга туширилади.
Тадбирда Тошкент метрополитени кунига 160-180 минг йўловчини манзилга етказиши эслаб ўтилди. Йўловчилар қулайлиги ва хавфсизлигини ўйлаб, поезд вагонлари модернизация қилинмоқда.
Айни кунларда 6 вагон янгиланди. Уларнинг, нафақат, ташқи кўриниши, балки ички қиёфаси ҳам бошқача тус олди. Электрик, пневматик ва механик жиҳозлар такомиллаштирилди. Ёнғиннинг олдини олиш учун салонни ясатишда ўт олмайдиган материаллардан фойдаланилди ва автоматик ўт ўчириш тизими ўрнатилди. Мазкур вагонларнинг хизмат муддати 15 йилга узайди.
