Тошкент халқаро аэропортида Samsung Galaxy Note 7 ҳақидаги эълон пайдо бўлди
Тошкент аэропортининг халқаро парвозларга мўлжалланган терминалида жойлашган йўловчиларни рўйхатга олиш ҳудудида Samsung Galaxy Note 7 смартфони тўғрисида ёзилган огоҳлантиришлар пайдо бўлди. Бу борада Kun.uz сайти хабар тарқатган. Хусусан, эълонда Samsung Galaxy Note 7 смартфони билан боғлиқ эҳтиёт чоралари ҳақида сўз боради. Мазкур эълонларни Air Astana авиакомпанияси рейси учун рўйхатдан ўтиш чоғида кўриш мумкин бўлган. Эълонда шундай ёзилган:
Парвоз хавфсизлигини таъминлаш мақсадида, Samsung Galaxy Note 7 мобил телефони билан парвоз қилишни режалаштираётган йўловчилар қуйидаги талабларга риоя қилишлари керак:
– телефон фақат қўл юкида олиб ўтилиши керак;
– телефон парвоз давомида ўчирилган бўлишига ишонч ҳосил қилиш;
– парвоз вақтида телефонни умуман зарядламаслик;
Эслатиб ўтамиз, Жанубий Кореянинг Samsung компанияси 11 октябрдан эътиборан Galaxy Note 7 смартфонини ишлаб чиқаришни расман тўхтатишини маълум қилган эди.