Трамп Samsung'га қарши уруш очди!

Трамп Samsung'га қарши уруш очди!

Америка Қўшма Штатлари президенти Дональд Трампнинг фикрларига кўра, кореялик корпорация АҚШ Федерал Қидирув Бюросининг собиқ ходимлари ўртасидаги 50 мингдан зиёд ёзишмаларининг йўқотилишига сабабчи бўлган.

Дональд Трамп Samsung корпорациясига қарши мазкур айбловни ўзининг Twitter тармоғидаги саҳифасида маълум қилди.

"ФҚБ даги икки севишганлар -- Лиза Пейж ҳамда Питер Стрзок ўртасидаги 50 мингта муҳим хат-хабарлар қани? Бунга айбдор Samsung".

Трампнинг сўзларига кўра, осиёлик компания бир вақтлар ФҚБ да масъул лавозимда ишлаган Питер Стрзока ва Лиза Пейжнинг ўзаро ёзишмаларини йўқ қилиб юборган экан.

Hill нашрининг маълум қилишича, ФҚБ мутахассислари ҳукуматнинг икки собиқ ходими ўртасидаги катта миқдордаги хат-хабарларни айнан Samsung ишлаб чиқарган телефон моделларида кузатилган дастурий таъминот билан боғлиқ носозлик боис сақлаб қола олишмаган.

Оқ уй смартфон ишлаб чиқарувчининг айби нима эканига аниқлик киритмаган.

Fox News ҳам АҚШ парламентидаги манбасига суяниб маълумот беришича, Пейж ва Стрзок ўзаро ёзишмаларида Трампни ҳақоратлаб, президентлик сайловлари вақтида унга қарши ишлаган махфий жамият тўғрисида гаплашганлар.

Сайт янгиликларидан доимий хабардор бўлиш учун Телеграм каналимизга қўшилинг!