Тўлдирилган реаллик кўзойнаклари одамнинг реакциясини секинлаштиради

Виртуал реаллик, шубҳасиз, янги мобил технологиялар йўналишида энг асосий трендлардан ҳисобланади. Бироқ аксарият ишлаб чиқарувчилар, жумладан, Apple компаниясининг қайд этишича, тўлдирилган реаллик технологиясининг имкониятлари ҳам жуда юқори. Мазкур соҳада Google Glass кўзойнаклари энг истиқболли лойиҳалардан бири эди, ҳозирда эса Microsoft HoloLens ушбу гаджетнинг ўрнини эгаллашга улгурган.

АҚШнинг марказий Флорида университети ўтказган тадқиқот натижаларига кўра, тўлдирилган реаллик қурилмалари инсоннинг ташқи оламга бўлган реакциясини сезиларли даражада секинлаштириши мумкин экан, дейилади 4PDA сайтида берилган хабарда. Бунга сабаб уларнинг кўз ўнгида пайдо бўладиган турли маълумотларга чалғишидир. Тадқиқотчи Жоанна Льюис тажрибасида 363 та талаб иштирок этган. Тажриба вақтида  Google Glass кўзойнакларини таққан ва тақмаган ҳолатда компьютердаги объектни топиш керак бўлган. Google Glass кўзойнакларини таққан барча талабалар ушбу гаджетни тақмаган иштирокчиларга қараганда объектни топиш учун бир мунча кўп вақт сарфлашган.

Олимлар мазкур тажриба орқали асосий ва қўшимча ахборот орасида рўй берадиган алоқани ўрганишни мақсад қилишган эди.