Туманли Андромедани қотилликда айблашмоқда

Сомон йўлида эгизак-сингил галактика бор эди, Андромеда эса уни ютуб юборди.

Мичиган университети олимларининг аниқлашича, Андромеда — анчайин очкўз галактика экан. Унинг атрофидаги қуюқ туман шундан дарак беряпти. Коинотшуносларнинг маълум қилишича, у анча йирик галактиканинг қолдиғидан ташкил топган. «Бу биз учун кутилмаган ҳолат бўлиб чиқди. Биз Самон йўлининг эгизак-синглиси борлигини билмаган эдик», — дейди  тадқиқот муаллифларидан бири Эрик Белл.

ЎҚИНГ:Ўзга сайёраликлар: бизку уларни топа олмаяпмиз, улар бизни қидиряптими?

Бир қарашда жуда чиройли галактика, аслида эса қонхўр қотил

Сомон йўлининг «синглиси»  M32p Андромедадан қарийб уч баробар кичкина эди. У ҳақда унчалик катта бўлмаган галактика-сателлат M32 ҳам эслатади: у 1749 йилда кашф этилган ва ҳали ҳам олимлар унинг қандай  пайдо бўлганини тушуна олишмаяпти. «У (галактика M32) жуда ғалати объект. У худди кекса, ихчам галактикага ўхшайди, аммо унда жуда кўп ёш юлдузлар мавжуд. У коинотдаги энг ихчам галактика саналади, унга ўхшайдиган галактиканинг ўзи йўқ», — дея изоҳ беради Белл. Эҳтимол,  М32 — ҳалок бўлган галактиканинг қолдиғи бўлиши мумкин, уни Андромеда «ҳазм» қилолмаган бўлиб чиқади.

ЎҚИНГ:Қуёш тизимидаги сайёраларга қанча вақтда етиб борсак бўлади?

Олимларнинг таъкидлашича, бу кашфиёт Сомон йўлининг келгуси  тақдирига назар солиш имконини беради. Тахминан  4,7 миллиард йилдан кейин у туманли Андромеда билан тўқнашади ва натижада янги ўта йирик галактика пайдо бўлади. Олимлар ҳатто унга ном ҳам топишди — Млекомеда.

ЎҚИНГ:Хитой қоронғу материяни ўрганиш учун фазога телескоп чиқарди