Twitter’нинг тезкор ва “енгил” талқини ишга тушди

Twitter’нинг тезкор ва “енгил” талқини ишга тушди

Twitter мобил қурилмалар учун ўзининг тезкор — Twitter Lite версиясини ишга туширди. Мазкур талқин асосан ривожланаётган мамлакатлар, интернет тезлиги секин ва трафик нархи қиммат бўлган, ҳануз 2G алоқа тармоғидан фойдаланадиган давлатлар фуқароларига мўлжалланган.

Twitter Lite талқини Google билан ҳамкорликда Progressive Web App форматида тайёрланган. Яъни, бу сайт илова сифатида ишлайди. Веб-илова ҳам анъанавий мобил Twitter сингари огоҳлантиришлар рўйхати, шахсий хабарларни излаш ва бошқа функцияларга эга.

Twitter Lite кам мегабайт сарф қилиш, видео ҳамда суратларни кўриш ёки кўрмасликни танлаш орқали трафикни иқтисод қилиш режимига эгалиги билан ўзига хосдир. Бу талқинда контентни юклаб олиш 30%га тезлашиб, сайт трафикни 70%гача иқтисод қилади. Ишлаб чиқарувчининг кафолат беришича, Lite талқини 3G-интернетда ишлайдиган аксарият қурилмаларда 5 секунд ичида юкланади.
Мазкур талқиндан фойдаланиш учун mobile.twitter.com электрон манзилига ташриф буюринг.

Сайтимизнинг энг чиройли расмларини Инстаграмдаги саҳифамизда томоша қилинг!