Twitter сотилиши мумкин

Twitter сотилиши мумкин

Кеча Twitter компаниясининг сотилиши ҳақидаги хабарлар тарқалгандан сўнг, микроблог тармоқнинг фонд биржасидаги қиймати 21%га ошган. Бу ҳақда CNBC нашрида хабар берилган.

Twitter’ни харид қилиш борасида бир қатор йирик компаниялар қизиқиш билдирган. Мутахассислар Google ва Salesforce каби гигантларни асосий номзодлар сифатида кўрсатишмоқда.

Ҳозирча Twitter’нинг айнан қанча маблағ эвазига сотилиши тўғрисида бирор фикр билдиришга бироз эрта. Recode нашрининг прогнозларига кўра, микробог тармоқ 18-30 миллиард доллар нархида сотилиши мумкин. Twiiter директорлар кенгаши чиндан ҳам компанияни сотиш имкониятларини кўриб чиқишмоқда, бироқ сотув санаси борасида ҳеч қандай маълумот мавжуд эмас. Баъзи манбаларга кўра, компания шу йилнинг охиригача сотув масаласида бирор қарорга келиши мумкин.

Жаҳондаги йирик корпорациялар бундай кучли ва оммабоп ижтимоий тармоқ хариди билан жиддий қизиқишмоқда. Чунки Twitter медиа компания сифатида етарли таъсирга эга.

Шу йилнинг бошларида The Wall Street Journal берган маълумотда Twitter’ни сотиб олишда асосий номзодлардан саналган Salesforce компанияси Linkedin тармоғини харид қилиши ҳақида сўз юритилган эди. Аммо барчага маълумки, мазкур тармоқ Microsoft томонидан сотиб олинган эди.

Эслатиб ўтамиз, Twitter сўнгги йилларда яхши молиявий натижаларни қайд этмай келмоқда. Ижтимоий тармоқнинг сотилиши мумкинлиги ҳақидаги хабар пайдо бўлгунча, RBC аналитиклари Twitter’нинг умумий биржа қиймати соф фойданинг камлиги туфайли 25%гача тушишини тахмин қилишган эди. Бироқ сўнгги миш-мишлар компания акцияларининг нархини оширмоқда.

 

Terabayt.uz сайтининг видеолари: Youtube'даги каналимизда!