Twitter узоқ кутилган функцияга эга бўлди (+видео)

Микроблоглар сервиси – Twitter жамоаси фойдаланувчилар кўпдан бери кутаётган функциянинг ишга туширилганини эълон қилди. Яъни, энди ретвитларга медиаконтент ҳам қўшиш мумкин бўлди.

ЎҚИНГ: Facebook ва Twitter жаримага тортилди, уларни яна блоклашлари ҳам мумкин!

Лўнда қилиб айтганда, энди бировнинг твитини улашаётганда, унга фотосурат, анимацияли GIF-файл ёки видеолавҳа қўшиб ретвит қилиш мумкин.

Айни дамда ушбу имконият Twitter сервисининг iOS ҳамда Android учун ишланган иловаларида ҳамда мобил веб-версиясида амал қилмоқда. Унинг десктоп веб-версиясида ҳозирча бу функция ишга тушмаган.

ЎҚИНГ: Сноуден маслаҳатига кўра, Twitter’га ҳам Telegram’нинг муҳим хусусияти татбиқ этилади

Мана, янги имкониятдан қандай фойдаланишни қуйидаги лавҳада кўрамиз:

Twitter дастурчиларининг The Verge нашрига берган интервьюларида таъкидланишича, бу функциянинг ишга туширилиши бирмунча қийин кечган. Улар кишиларга медиафайлли ретвитнинг мазмунини тезда англаш қийин бўлишини пайқашган. Шу боисдан оригинал твитни ихчамроқ ички секцияга жойлаб, ретвит медиафайлни эса тўлиқ ўлчамли қилишган.

ЎҚИНГ: Фойдаланувчилар 12 йилдан бери кутаётган имконият Twitter’га жорий этилади!