Twitter узоқ кутилган муҳим функцияга эга бўлди!
Сўнгги йилларда оммалашаётган тренд – тўқранг интерфейс, яъни «тунги режим» кўплаб иловаларга, ҳатто операцион тизимларга жорий этилмоқда. Twitter ишлаб чиқувчилари ҳам, ниҳоят, сервиснинг Android-иловасига ушбу янгиликни қўшишди.
ЎҚИНГ: ВИДЕО: Смартфон қуввати тез тугаяптими? «Ҳаётнинг зулмат тарафига ўтинг!»
Бу тўғрида Twitter расман хабар берган:
Welcome to the dark side, Android users. You can now go lights out on Twitter. pic.twitter.com/RpvstZvdnr
— Twitter (@Twitter) October 22, 2019
Ушбу имкониятдан фойдаланиш учун мана бу ҳавола орқали Twitter’ни янгилаб олиш тавсия этилади.
ЎҚИНГ: Twitter мобил иловасининг енгил версиясини чиқарди
Android-смартфонлар эгалари тунги режимни фаоллаштириш учун Twitter иловасининг Созламаларидаги «Экран ва овоз» бўлимига кириб, тунги режимда «Lights out» бандини белгилайсиз. Шундан сўнг тўқранг интерфейсни қўлда ёқиш-ўчириш ҳам, автоматик алмашадиган қилиб белгилаш ҳам мумкин:
Худди iOS 13 операцион тизимида бўлгани сингари, микроблоглар ижтимоий тармоғининг Android-иловаси ҳам AMOLED-матрицали дисплейга эга қурилмаларда аккумулятор қувватини яхшигина тежайди. Бундан ташқари, тунги пайтда, яхши ёритилмаган шароитда Twitter’дан тунги режимда фойдаланиш кўзни чарчатмайди.
ЎҚИНГ: Барчанинг смартфонида мавжуд бўлган иловага ажойиб имконият қўшилди!