Ubisoft’дан учта саргузашт ўйинни 5 майгача бепул олиб қўйишга улгуринг! (+видеолар)
Коронавирус пандемияси туфайли карантин шароитида кишилар уйларида қолишлари учун турли ўйин студиялари ўз маҳсулотларини бепул тарқатишмоқда. Масалан, Hitman ўйинининг биринчи мавсумини PlayStation 4 приставкаларига буткул бепул тарқатишяпти!
ЎҚИНГ: Epic Games иккита – хоррор ва экшен ўйинни 7 майгача текин тарқатяпти (+видео)
Ubisoft компанияси ҳам Uplay сервисида акция ўтказяпти – учта ўйинни вақтинча бепул беряпти. Булардан биринчиси Rayman Legends номли оммабоп платформер бўлиб, бир вақтнинг ўзида тўрт нафар геймер ўйнаши мумкин.
Uplay дўконидан Rayman Legends ўйинини бепул юклаб олиш учун ушбу ҳавола орқали унинг саҳифасига ўтишингиз мумкин.
ЎҚИНГ: Энг оммабоп ўйин Google Play’га ҳам чиқди – энди бемалол олиб ўйнанг! (+видео)
Child of Light номли иккинчи ўйин бўлса Аврора исмли маликанинг саргузаштларига бағишланган. Ўйин мобайнида у қора қироличани маҳв этиши ҳамда Лемурия қироллигини тиклаши керак бўлади. Мазкур ҳавола ёрдамида унинг саҳифасига ўтиб, бепул кўчириб олсангиз бўлади.
Вақтинча бепул тарқатилаётган яна бир маҳсулот – XXI асрнинг энг зўр элликта ўйини рейтингига кирган Assassin's Creed 2 бўлиб, у ҳақда куни кеча ёзган эдик. Мазкур ўйинни Uplay дўконидан бепул олиш учун мана бу ҳавола орқали ўтасиз.
Ёдда тутинг: ушбу учала ўйинни ҳам 5 май кунигача бепул олиб улгуришингиз керак, кейин яна пулли бўлиб қолади. Шундай экан, бирга ўйнайдиган дўстларингизга, ўйинларга қизиқувчи яқинларингизга ҳам бу хабарни етказиб қўйганингиз маъқул.
ЎҚИНГ: Gameloft юбилейи шарафига нақ 30 та Android-ўйинни бепул беряпти!
