Ucell яна еттита сайтга киришни нақ 1 июнгача бепул қилди

Юртимиздаги уяли алоқа операторлари кириш бепул қилган сайтларнинг рўйхатини тақдим этганимиздан сўнг ҳам улар ўз абонентларига бошқа имтиёзлар беришган. «Ўзбектелеком» яна олтита сайтга киришни бепул қилган, Beeline ҳам шундай йўл тутган. Ucell абонент тўловисиз тарифига ўтиш имконини ва унда бепул тўпламларни тақдим этган...

ЎҚИНГ: Рамазон ойи учун Ucell янги хизматлар таклиф этмоқда

Ucell уяли алоқа оператори абонентлари ҳақида қайғуриб, ҳар қандай вазиятда ҳам ўқувчилар таълимдан узилиб қолмасликлари учун қўшимча қулайликлар яратишда давом этмоқда. Коронавирус сабабли карантин даврида компания яна 7 таълимий ресурсларга трафик ҳисобисиз кириш имконини тақдим қилди.

Жорий йилнинг 1 июнигача (шу куни ҳам) ҳақи олдиндан тўланадиган хизмат кўрсатиш (Prepaid) тизими абонентлари қуйидаги интернет-ресурслардан трафик ҳисобисиз фойдаланиш имкониятига эга бўлдилар:

ziyonet.uz

tube.edu.uz

dist.edu.uz

mt.edu.uz

pf.bimm.uz

lib.bimm.uz

mt.bimm.uz

ЭСЛАТМА: Юқоридаги сайтларга кирганда телефонингиздаги заводдан ўрнатилган браузер орқали кириш тавсия этилади. Кейинчалик ўзингиз ўрнатган бошқа браузерлар, масалан Opera Mini орқали сайтга кирсангиз, мегабайт нархланади, яъни – бу ресурсларга кирганингиз учун пул ҳисобланади (ёки трафик лимитингиздан сарфланади). Шунингдек, сайтларга кираётганда VPN ишлатманг – бунда ҳам бепул бўлмайди.

ЎҚИНГ: Мобил операторлар биздан нимани яширмоқда?