«Уч кўзли» iPhone XI’ни илк видео ва суратларда кўрамиз!

  •   DiMaX
  •  1537
  •  07.01.2019 18:16

«Уч кўзли» iPhone XI’ни илк видео ва суратларда кўрамиз!

Бугунги кунда аксарият смартфонсозлар кўп модулли бош камерага эга телефонлар ишлаб чиқаришмоқда. 2019 йили купертинолик гигант ҳам мазкур трендга эргашиши мумкин.

ЎҚИНГ: iPhone XR’нинг асосий афзалликларини Apple антиқа реклама ролигида кўрсатиб берди

Таниқли инсайдер @Onleaks бу йил тақдим этиладиган iPhone’нинг тахминий дизайнини эълон қилди. У эълон қилган айфоннинг орқа панелида квадрат шаклли камера модулида учта сенсордан ташқари фоточақноқ ва микрофон ҳам жойлашган.

OnLeaks’нинг таъкидлашича, Apple’нинг янги смартфонлари устида ҳозирча синов жараёнлари кетмоқда. Улар барибир сентябрдан аввал тақдим этилмайди – демак, шунгача дизайнда ўзгаришлар бўлиши мумкин.

ЎҚИНГ: iPhone эгаларини жазолай бошлашди: жарима, маошдан кесиш ва ҳатто ишдан бўшатишгача!

Мана, бу йилги «уч кўзли» айфоннинг рендери қуйидаги видеода намойиш этилган:

Яна бир инсайдер – Бен Гескин эса камераларнинг жойлашуви мана бунақа бўлиши ҳам мумкинлигини айтаётир:

OnLeaks тахминига кўра, Apple бу йилнинг сентябрида ҳам учта моделда янги айфон тақдим этади. Улардан бири «кичкина» айфон бўлиб, iPhone XR давомчиси бўлиши эҳтимоли юқори. Қолган иккита смартфон эса премиум тоифага мансуб бўлиб, iPhone XS ҳамда iPhone XS Max ўрнига келади. Улардан энг кучлисида мана шундай уч модулли камера қўлланса керак.

ЎҚИНГ: 2018 йил смартфонлар бозорида Android телефонлар iPhone'ни «синдирди»!

Сайт янгиликларидан доимий хабардор бўлиш учун Телеграм каналимизга қўшилинг!