"Уч йил ичида 300 нафардан 3000 нафаргача иш ўрни яратиш режаси бор"
Украинадаги уруш Россияга қарши йирик санкцияларга, Ford каби йирик Ғарб компаниялари, шу билан бирга, бошқа гигант IT компанияларининг ҳам мамлакатдан чиқиб кетишига сабаб бўлди. Натижада эса, 6000 га яқин россиялик ва белоруслик техниклар мамлакатдан ташқарига, Ўзбекистондаги Тошкентга кўчиб келишди, дея хабар бермоқда Американинг Forbes нашри.
Хабар қилинишича, июн ойининг охиргиси ҳафтасида АКТ вазири бошчилигидаги IT делегацияси АҚШнинг Plug and Play Tech Center стартап акселератори, Apple, PayPal, Mastercard, Visa, Coursera, Zipline ва EPAM раҳбарлари билан учрашган. Вазир Шерзод Шерматов Forbes билан телефон орқали олиб борилган суҳбатда Ўзбекистон собиқ советлар давлатлари ичида энг катта инсон капиталига эканлигини таъкидлаган.
“Охирги уч ярим йил ичида биз кўпчилик битирувчиларимиз инглиз тилида бемалол сўзлаша олиши ва IT соҳасида тирикчилик қилиш имкониятига эга бўлишлари учун "Инглиз тилида сўзлашувчи миллат" ва яна бошқаси "IT халқи" деб номланадиган ҳукумат лойиҳаларини амалга оширдик."
Шунингдек, Шерматовнинг таъкидлашича, Ўзбекистонда компаниялар учун ҳеч қаердан топиб бўлмайдиган, энг зўр солиқ тузуми мавжуд, чунки бу ерда федерал даромад солиғи йўқ.
Forbes 2017 йилда ишга туширилган "Бир миллион ўзбек дастурчилари" лойиҳасига ҳам тўхталиб ўтди. Нашрга кўра, миллионлаб одамлар ундаги курсларга рўйхатдан ўтган ва гарчи битирувчиларга қандай лицензиялар берилгани номаълум бўлса ҳам, бу ҳаракат билан ҳукумат ва хусусий сектор бугунги кунда EPAM Systems, Exadel каби 650 дан ортиқ компанияларни ўз ичига олган IT Паркни яратди.
Акт вазирининг қўшимча қилишича ўтган йили EPAM Ўзбекистонда 300 га яқин кишини иш билан таъминлаганлигини, келгуси йилда эса бу кўрсаткични 3000 нафарга етказиш режаси борлигини маълум қилган.
“Шундай қилиб, уч йил ичида 10 баробар кўп. Ҳозирда биз минтақада ишлаётган компаниялар билан анча муваффақиятлимиз, лекин биз бошқа компанияларни ҳам Ўзбекистонга ривожланаётган бозор сифатида қарашга ишонтиришни хоҳлаймиз”.
Маълум қилинишича, Ўзбекистон ўзининг йиллик IT экспортида 2022 йил учун тахмин қилинган 100 миллион долларни, 2028 йилда 1 миллиард долларга етказишни мақсад қилган. Гарчи бу АҚШ аутсорсинг бозорининг заррача қисмига тўғри келса-да, IT аутсорсингни мамлакатнинг олтиндан кейин иккинчи йирик экспорти бўлиши ва мамлакатдаги қашшоқликни камайтиришда асосий устунга айланши мумкин.
Тўлиқ мақолани бу ерда ўқишингиз мумкин.
ЎҚИНГ: Counterpoint май ойида қанча смартфон сотилганини эълон қилди
