“Учар тобутлар”: АҚШда бешта энг ёмон жанговар самолётлар рейтинги эълон қилинди

  •   Saroy
  •  1511
  •  31.10.2018 13:06

“Учар тобутлар”: АҚШда бешта энг ёмон жанговар самолётлар рейтинги эълон қилинди

The National Interest журнали уруш давридаги бешта энг ёмон ҳарбий самолётлар рўйхатини тузиб чиқишди. Рўйхатга собиқ иттифоқнинг иккита  қирувчи самолёти ҳам киритилган.

Америкалик ҳарбий журналистлар бешта  «учар тобутлар» рўйхатига фақат урушда иштирок этган жанговар самолётларни киритишган.  Бундай самолётларга “душманларга эмас, балки ўз учувчиларига катта хавф туғдирадиган машина” сифатида таъриф берилди.

Рўйхатда биринчи ўринни Биринчи Жаҳон урушида иштирок этган Royal B.E.2 биплани эгаллади. Ушбу самолёт 1912 йилдан то 1918 йилгача ишлаб чиқарилган ва у “қирувчи самолётда бўлиши мумкин бўлмаган барча сифатни” ўзида намоён этган. Ёмон кўзатув, ишончли эмаслиги, парвоз секинлиги ва қийин бошқарилиши билан учувчининг ҳаётига хавф солган. Аммо The National Interest журналистлари Royal B.E.2 европаликларнинг қирувчи самолётини яратишдаги илк уринишлари бўлганини алоҳида таъкидлашган.

ЎҚИНГ: Беҳуда вақт сарф қилинган: F-35 қирувчи самолётининг жанговар дебюти танқидга учради

АҚШ самолётларидан рўйхатга Иккинчи Жаҳон урушида ишлатилган Brewster F2А Buffalo ва 1950 йилларда чиқарилган Century  сериясидаги қирувчи машиналари киритилди.  Журналистлар Buffalo’ни вазни жуда ҳам оғирлиги ва ҳаракат жуда сустлиги учун танқид қилишди. Қолаверса, улар ушбу самолётларни Жануби-шарқий Осиёдаги ҳаво жангларида японлар қандай осонликча қирганини ҳам эслатиб ўтишди. Century сериясидаги самолётга эса бомбардимончи ва қирувчи самолётни бирлаштиришга уринишдаги қатор омадсиз тажрибалар сифатида таъриф беришди.

Собиқ иттифоқнинг МиГ-23 самолётлари ҳам танқиддан четда қолмаган. Ушбу самолётлар ҳам ишончлилиги жуда паст ва ҳар доим таъмирталаб экани билан қора рўйхатга тушди, айниқса двигателида муаммо кўп бўлган. Шу боис МиГ-23 немис самолётлари билан жангда ҳар доим ютқазган. Ўшанда собиқ иттифоқ учувчилари ҳам МиГ-23 ни «Лакировка қилинган кафолатланган тобут” деб аташган.

ЎҚИНГ: Су-35С АҚШнинг “кўринмас” самолётини кўриб қолди

Terabayt.uz сайтининг видеолари: Youtube'даги каналимизда!