«Учиб» ишловчи Windows Lite (ёки Lite OS) операцион тизими қачон чиқади?

  •   DiMaX
  •  809
  •  04.05.2019 13:15

«Учиб» ишловчи Windows Lite (ёки Lite OS) операцион тизими қачон чиқади?

Microsoft компанияси оммабоп Windows операцион тизимининг нисбатан кучсиз компьютер ва ноутбукларда ҳам бемалол ишловчи – енгиллаштирилган версиясини тайёрлаяпти. Унинг Windows Lite, Windows 10 Lite ёки Lite OS деб номланиши кутилаётир.

ЎҚИНГ: Windows ўрнига Lite OS – шу баҳордаёқ Microsoft янги операцион тизимни намойиш этади!

Сўнгги маълумотларга қараганда, Microsoft’нинг ички доираларида ушбу операцион тизим Windows Lite деб номланмоқда. Аммо компания унинг тақдимотини кейинга суришга мажбур бўлмоқда, деб ёзади WindowsCentral нашри. Бунинг сабаби эса янги тизим иловаларини Win32 турига мослаштириш ишлари жуда секин кетаётганидир.

Манбага кўра, Windows Lite ҳали жорий йилнинг охиридагина тайёр бўлиши мумкин, унда ҳам ёпиқ тест дастури иштирокчиларига тарқатилади. Тизимнинг оммавий тақдимоти эса 2020 йилнинг иккинчи чорагидагина амалга оширилиши мумкин.

Windows Lite операцион тизимини ўрнатиш мумкин бўлган илк қурилмалар эса Microsoft компаниясининг Surface Go ҳамда Surface Pro 6, шунингдек, улардан кейинги Surface моделлари бўлади.

ЎҚИНГ: Microsoft ўзининг Surface Go планшети рекламасида Apple iPad’ни масхара қилди! (+видео)

Енгиллаштирилган операцион тизим иккита экранли қурилмаларга, шунингдек, кучсиз процессорга ва кичикроқ тезкор хотирага эга бўлган планшетлар ва ноутбукларга мослаштирилади. Хабарларга кўра, Microsoft уни алоҳида операцион тизим сифатида чиқармайди, балки Windows Lite тегишли қурилмаларга ўрнатилган ҳолида тарқатилади.

Windows Lite асосида Composаble Shell график қобиғи ҳамда Core OS ядроси ётади – улар биргаликда мазкур платформанинг турли қурилмаларга мослашувчи модулли таркибга эга бўлишини таъминлайди.

ЎҚИНГ: Windows’ни флешканинг ўзига ўрнатиб олиб, исталган компьютерда ишга туширамиз!

Сайтимизнинг энг чиройли расмларини Инстаграмдаги саҳифамизда томоша қилинг!