Собиқ UFC жангчиси метаоламда жанг қилмоқчи
Хабиб Нурмагомедов ўзининг расмий Twitter саҳифасида метаоламда Макс Холлоуей билан жанг қилиши ҳақида хабар берди.
Жанг Legiofarm томонидан ташкилланмоқда ва уларнинг NFT'ларини сотиб олганлар метаоламда Хабиб ва Макс жанггини VR қурилмалари ёрдамида кўришлари, шунингдек, бошқа машҳур меҳмонлар билан суҳбатлашишлари, ҳатто жанг қилишлари мумкин бўлади, албатта, метаолам ичида.
Хабиб ва Макс жангги тарихдаги илк виртуал олам жангги бўлиб, у Тошкент вақти билан 13-феврал куни тунги 1:00 да бўлиб ўтади.
Бир неча кун олдин эса Хабиб ўзининг Twitter'ида метаоламда мухлислари билан мунтазам кўришиб туриши ва у билан тадбирларда қатнашмоқчи бўлганлар LF NFT'ларини сотиб олишлари кераклиги ҳақида айтган эди.
ЎҚИНГ: YouTube NFT орқали монетизация қилиш ва метаоламга киришни режалаштирмоқда
