Улар Apple қилолмаган ишни қилишди

Улар Apple қилолмаган ишни қилишди

Apple ўз смартфонларига USB-C портини ўрнатишга ҳали қарор қилмаган, гарчи iPad Pro ва MacBook шундай портга эга бўлса ҳам. Лекин Словакиянинг тиниб-тинчимаган Deep компанияси инжинерлари Apple'нинг iPhone 12 Pro Max смартфони Lightning портини USB-C портига муваффақиятли ўзгартиришди ва уни eBAY онлайн бозорида аукционга қўйишди. 

Албатта биринчи бўлиб смартфонни очилган, Lightning порти олиб ташланган ва ундан USB-C портини ясаш учун керакли ўлчамлар олинган. Оригинал порт қистирмаси олиб ташланилгандан кейин эса қолган жой USB-C порти учун роппа-роса мос эканлиги маълум бўлган. Махсус USB-C порт ясалганидан кейин уни iPhone'га ўрнатилган ва унинг ишлаш хусусиятлари синаб кўрилган.

Янги порт билан iPhone 12 Pro Max Windows'да iTunes'га ва Mac компютерларига ҳеч қандай муаммоси уланган. Mac компютерларида расм видеоларни импорт ёки экспорт қилиш ҳам синаб кўрилган ва натижа ёмон бўлмаган. Шунингдек, Apple'нинг оригинал қувватловчи адаптери ва иккала томони ҳам USB-C бўлган улагич билан смартфон қувватланиши текширилганда ҳам ҳеч қандай муаммо юзага келмаган. 

Ўтган йили швейтсариялик роботехника талабаси Кен Пиллонел дунёдаги биринчи USB Type-C портига эга iPhone X смартфонини яратганлигини маълум қилган эди ва у ҳам смартфонни eBAY онлайн бозорига аукционга қўйиб, смартфонни нақд 86 минг долларга сотган эди. 

3 ой ишлатилганлиги, ҳеч қандай қирилган жойлари йўқлиги, батареяси 99%, ҳолати ажойиб эканлиги айтилаётган USB-C портли iPhone 12 Pro Max аукциони кейинги ҳафта охирида якунигача давом этади ва шуниси аниқки, якуний нарх паст бўлмайди. 

ЎҚИНГ: App Store Россияда блокланиши мумкин

Сайтимизнинг энг чиройли расмларини Инстаграмдаги саҳифамизда томоша қилинг!