UMS’дан хушхабар: иккита йиллик тариф!
Ўзбекистонда фаолият кўрсатаётган уяли алоқа операторлари орасида Universal Mobile Systems (UMS) компанияси бу йил анча фаоллик кўрсатмоқда. Жумладан, 2018 йилнинг баҳор ойларида юртдошларимиз учун тўққизта, сайёҳлар учун ҳам битта янги тариф режасини ишга туширди.
ЎҚИНГ: UMS’дан янги акция: «Плюсда бўлинг!»
Ёзнинг бошиданоқ бу компания ўз мижозлари учун яна иккита янги тарифни эълон қилди. Уларда абонентлар бир йиллик муддатга тўлов қилишади ва ҳар ой тегишли ҳажмда дақиқалар, SMS-хабарлар ва мегабайтлар лимитини олиб туришади. Шунга мос тарзда улар «Премиал йиллик» ва «Идеал йиллик» деб номланган (аниқроғи – компания расмий сайтининг русча бўлимида улар «Премиальный годовой» ҳамда «Идеальный годовой» деб кўрсатилган, ўзбекча бўлимига эса ҳозирча – 6 июнь, соат 10:00 гача бу хабар жойланмаган).
«Премиал йиллик» тарифида йиллик абонент тўлови 630 000 сўмга тенг бўлиб, унда абонентга ҳар ойда Ўзбекистон бўйича чиқувчи қўнғироқлар учун 1000 дақиқа, 1000 SMS-хабар ҳамда 3000 мегабайт ҳажмида лимит тақдим этилади.
«Идеал йиллик» тариф режасининг йиллик абонент тўлови эса 1 050 000 сўмни ташкил этади. Унда Ўзбекистон бўйича мулоқотлар учун чиқувчи 2000 дақиқа ва 2000 SMS-хабар, шунингдек, 4000 мегабайт ҳажмида интернет-трафик берилади.
Ушбу тариф режаларининг шартлари ва бошқа маълумотлар билан батафсил танишиш учун UMS расмий сайтига ўтишингиз мумкин.
ЎҚИНГ: UMS’нинг барча USSD-кодларини билиб олинг! (Тўлиқ рўйхат)
