UMS’дан янги акция: «Плюсда бўлинг!»
Уяли алоқа операторлари ўзларининг содиқ мижозларини турли акциялар билан хурсанд қилишда давом этишмоқда. Масалан, бугун – 24 май куни UMS эълон қилган «Плюсда бўлинг!» акцияси шулар жумласидандир.
ЎҚИНГ: UMS акцияси: катта ҳажмли кунлик интернет-тўпламлар!
Оператор расмий сайтида хабар берилишича, «Плюсда бўлинг!» акциясида иштирок этиш учун абонент ўз ҳисоби ҳамиша мусбат ҳолатда бўлишига эришмоғи, блок ҳолатига тушиб қолмаслиги лозим. Абонент ушбу акцияда иштирок эта бошлагани ҳақида оператордан SMS-хабар олганидан кейин ўз ҳисобига эътиборли бўлиб бориши етарли. У абонент тўловини ўз вақтида тўлаб борса, рақамининг ҳисоби нолга тушишига йўл қўймаса, тегишли бонусни қўлга киритади.
«Плюсда бўлинг!» акцияси уч хил турдаги бонусларга эга бўлган тўртта босқичда ўтказилади. Тегишли SMS-хабар олганидан кейин бошланувчи ҳар бир босқич 30 кунни ўз ичига олади. Биринчи босқичда абонентга 300 мегабайт, иккинчисида 500 МБ, учинчи ва тўртинчи босқичларда эса 700 мегабайтдан бонус тақдим этилади.
Барча абонентлар 1-босқичдан бошлашади, акция шартларини бажарганлар иккинчи ва кейинги босқичларга ўтиб бораверади. Рақамининг ҳисоби нолга тушиб (яъни, блокланиб) қолган абонент яна биринчи босқичга қайтади.
«Плюсда бўлинг!» акцияси 2018 йилнинг 23 май санасидан то 31 декабрига қадар амалда бўлади. Бу акцияда «Асосий», «Стандарт», «Оптимал», «Оптимал+», «Қулай», «Қулай+», «Премиал», «Идеал» ҳамда «VIP» тариф режаларидаги абонентлар иштирок этишлари мумкин.
Акциянинг шартлари ҳақидаги батафсил маълумотни UMS расмий сайтидан олиш мумкин.
