UMS Халқаро туристик ярмаркада иштирок этмоқда

  •   DiMaX
  •  206
  •  14.11.2019 07:43

UMS Халқаро туристик ярмаркада иштирок этмоқда

Мамлакатимизда фаолият олиб бораётган уяли алоқа операторлари жамият ҳаётида фаол қатнашиб келаётирлар. Жумладан, UMS мобил оператори Тошкентдаги «Ўзэкспомарказ» МККда ўз ишини бошлаган «Ипак йўлида туризм» 25-Халқаро туристик ярмаркасида иштирок этмоқда.

ЎҚИНГ: UMS ва Khan Academy O‘zbek узоқ муддатли ҳамкорликни бошлади

Кўплаб ҳорижий сайёҳларни жалб этган ва уларга қулай шарт-шароитларни яратган ҳолда Ўзбекистоннинг туристик соҳаси фаол ривожланиб бормоқда. Бу борада меҳмонларни мобил алоқа билан таъминлаш масаласи ҳам муҳим ўрин тутади. Зеро туристларнинг талаб ва истакларига мос келиш, улар Ўзбекистонга келган пайтдан бошлаб ўз юртларига кайтиб кетгунларича қулай суҳбат қуришлари учун шарт-шароитлар яратиш устувор вазифаларга киради.

UMS компанияси мамлакатимизнинг мобил алоқа хизматлари бозорида биринчи бўлиб (2018 йилнинг март ойида) туристик тариф режаларни ишлаб чиққан. Улар жорий қилинган пайтдан бошлаб ҳозирги кунгача Ўзбекистонга ташриф буюрган юзлаб сайёҳларга қўл келди. Юртимизнинг бой тариҳи ва маданияти билан танишиш мақсадида, шунингдек, хизмат вазифалари бўйича келган туристлар UMS абонентига айланишмоқда.

ЎҚИНГ: Алишер Усмонов компанияси Ўзбекистондаги йирик уяли алоқа операторини сотиб оляпти!

Сайёҳлар бир нечта тариф режаларига уланишлари мумкин. Хусусан, биринчи тариф бўйича 3000 мегабайт мобил интернет, Ўзбекистон бўйича қўнғироқларга 200 дақиқа ва 200 SMS-хабар тақдим этилмоқда. Иккинчисига эга 8000 мегабайт мобил интернет, қўнғироқларга 400 дақиқа ва 400 SMS-хабар киритилган.

Уланиш учун хорижий фуқаролар фақат паспортни ва ундаги Ўзбекистон чегараларини босиб ўтганлигини ҳақидаги белгини тақдим этишлари керак. Энг муҳими, тарифларни UMSнинг нафақат республика бўйича офисларида, балки Тошкент, Самарқанд, Бухоро, Урганч, Хива, Шаҳрисабздаги тижорат ҳамкорлари савдо шохобчаларида ва кўчма мобил офисларида улаш мумкин.

«Ипак йўлида туризм» Халқаро туристик ярмаркасида иштирок этаётган хорижий меҳмонлар ҳам UMS’га уланишлари ва барча қулайликлардан фойдаланишлари мумкин.

ЎҚИНГ: Мобил операторлар биздан нимани яширмоқда?

Хабарларни тез ва осон ўқиш учун Андроид иловамизни сақлаб олинг.