UZTELECOM интернетни нақ икки баробарга арзонлаштирмоқда!

  •   DiMaX
  •  3512
  •  14.12.2020 17:37

UZTELECOM интернетни нақ икки баробарга арзонлаштирмоқда!

Ўзбекистон Республикаси Президенти админстрацияси ҳузуридаги Ахборот ва оммавий коммуникациялар агентлигида «Телекоммуникация инфратузилмасини ривожлантириш йўналишида амалга оширилаётган ишлар тўғрисида» мавзусида соҳа корхоналари ҳамда оммавий ахборот воситалари иштирокида матбуот анжумани бўлиб ўтди. Бу тўғрида UZTELECOM ўз расмий сайти орқали хабар бермоқда.

ЎҚИНГ: Янги йил арафасида «ИККИ КАРРА ИНТEРНEТ» олинг!

Анжуман давомида мамлакатимизда замонавий ахборот технологиялари ва коммуникацияларини ривожлантириш, шунингдек 2020 йил 5-октябрда қабул қилинган Ўзбекистон Республикаси Президентининг «Рақамли Ўзбекистон – 2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон Фармони, Илм-маърифат ва рақамли иқтисодиётни ривожлантириш йили Давлат дастурида белгиланган вазифалар ижросини таъминлаш мақсадида, «Ўзбектелеком» АК томонидан 2020 йилда мамлакат операторлари ва провайдерларига кўрсатиладиган телекоммуникация хизматлари нархларини пасайтиришга қаратилган қатор лойиҳалар амалга оширилганлиги ҳақида «Ўзбектелеком» АК бош директорининг тижорат масалалари бўйича ўринбосари Алишер Зуфаров тўхталиб ўтди.

IP-транспорт хизматлари бўйича «Маълумотларни узатиш магистрал ва мультсервис тармоқларини кенгайтириш» лойиҳаси доирасида «Ўзбектелеком» АК томонидан амалга оширилган ишлар натижасида, жорий йилда транспорт тармоғининг ўтказувчанлик қобилияти вилоят марказларигача 2 баробарга (400 Гбит/с.гача), туман марказларигача эса 4 баробарга (40 Гбит/с.гача) оширилган.

Мазкур лойиҳа бўйича ишларнинг асосий қисми якунланганлиги муносабати билан, 2021 йил 1 январдан транспорт каналларини ижарага бериш хизмати жорий нархини 2 баробарга арзонлаштирилмоқда.

ЎҚИНГ: «Ўзбектелеком» арзон UZCLOUD.UZ видеоконференц-алоқа платформасини тақдим этди

Транспорт тармоғи ўтказувчанлик қобилиятини кенгайтириш ва нархларини арзонлаштириш оператор ва провайдерларнинг республикамизнинг чекка ҳудудларида фаолиятини ривожлантириш учун шарт-шароитлар яратади.

Ҳар бир фойдаланувчи учун хизмат нархини арзонлаштириш, барча тоифадаги абонентлар учун хизматлардан фойдаланиш имкониятини яратиш бўйича ишлар олиб борилмоқда. Хусусан, 2020 йил ноябрь ойидан оператор ва провайдерларга халқаро пакетли коммутация маркази (ХПКМ) орқали тақдим этиладиган 1 Мбит/с тезликдаги канал нархи олдинги тарифларга нисбатан 20% га арзонлаштирилиб, 45 022 сўм деб белгиланди.

2021 йил 1 январдан бошлаб мазкур хизмат нархи 40 000 сўмгача арзонлаштирилиши режалаштирилмоқда.

Матбуот анжумани давомида келгусида мўлжалланган соҳанинг тараққиёт истиқболлари ҳақида сўз юритилди.

ЎҚИНГ: Операторларимиз рейтингида жиддий ўзгариш: энди кимда қанча абонент бор? (+инфографик видео)

Сайт янгиликларидан доимий хабардор бўлиш учун Телеграм каналимизга қўшилинг!