Ва ниҳоят глобал Redmi Note 11 Pro смартфони тақдим этилди

Ва ниҳоят глобал Redmi Note 11 Pro смартфони тақдим этилди

Xiaomi кеча Redmi Note 11 Pro'нинг глобал версиясини тақдим этди. Ушбу смартфон икки хил: 4G ва 5G талқинда сотувга чиқарилади. Икки қурилманинг техник жиҳатлари деярли бир хил, фақатгина уларга турли хил чиплар ўрнатилган. 

ЎҚИНГ: Xiaomi 12'нинг глобал версияси GeekBench'да тестдан ўтди 

Redmi Note 11 Pro 5G модели Snapdragon 695 чипи билан жиҳозланган бўлиб, у 6/8ГБ LPDDR4X тезкор хотира, 64/128ГБ UFS 2.2 доимий хотира билан биргаликда ишлайди. 

Қурилма гибрид SIM-карта уясига эга, яни иккинчи SIM-карта ўрнига microSD картаси жойлаш мумкин. 

Redmi Note 11 Pro 4G модели Helio G96 чипи билан жиҳозланган. Ушбу чип 12 нанометрлик жараён асосида яратилган бўлиб, у Mali-G57 MC2 график процессори билан биргаликда ишлайди. Иккала модель ҳам Android 12 операцион тизимига асосланган MIUI 12 график қобиғида ишлайди. 

Шунингдек, икки смартфонга 1080p+ резолюциядаги 120Hz экран янгиланиш ҳамда 360Hz сенсорли намуна олиш частотасини қўллаб-қувватловчи 6.67 дюймли AMOLED дисплейи ўрнатилган. Дисплейнинг максимал ёрқинлиги 1200 нитни ташкил қилади. Олд панель Gorilla Glass 5 шишаси билан жиҳозланган. IP53 стандарти эса смартфонларни сув сачраши ҳамда чангдан ҳимоя қилади. 

Смартфонларга асосий камера сифатида 1/1.52 дюймли ҳамда 0.7µm пиксел катталигидаги 108МП ISOCELL HM2 сенсори ўрнатилган. Ушбу сенсор 3х зумни қўллаб-қувватлайди. Иккала моделда ҳам оптик зумга эга бўлган телефото камера мавжуд эмас.

Қурилмаларга, шунингдек, 8МП ультракенг ва 2МП макро камералар ҳам ўрнатилган. 4G моделда эса 2МП сатҳ камера ҳам мавжуд.  

Селфи камеранинг резолюцияси 16 мегапикселни ташкил қилади. Бармоқ изи сканери қуриламанинг ён томонидан ўрин олган. Қурилмаларда 3.5 мм аудио жек ҳамда стерео динамик мавжуд. 

Иккала модель 67 ваттда қувват олувчи 5,000 мАс сиғимли аккумулятор билан жиҳозланган. 50% қувват тўплаш учун смартфонлар 15 дақиқа вақт сарфлайди. Қувватлаш адаптери смартфон қутисидан ўрин олган. 

Қурилмада NFC, инфрақизил порт, Wi-Fi 5 ва Bluetooth 5.1 мавжуд. 

Смартфонларнинг нархлари қуйидагича: 

Redmi Note 11 Pro 4G (6/64ГБ) - 299 доллар

Redmi Note 11 Pro 4G (6/128ГБ) - 329 доллар

Redmi Note 11 Pro 4G (8/128ГБ) - 349 доллар

Redmi Note 11 Pro 5G (6/64ГБ) - 329 доллар

Redmi Note 11 Pro 5G (6/128ГБ) - 349 доллар

Redmi Note 11 Pro 5G (8/128ГБ) - 379 доллар 

Иккала модель февраль ойидан сотувга чиқади. 

Агар янги моделларни ўтган йилги моделлар билан таққослак, Redmi Note 10 Pro смартфони Snapdragon 732G чипи, 6.7 дюймли 120Hz AMOLED дисплейи, 33 ваттда қувват олувчи 5020 мАс сиғимли аккумулятор билан жиҳозланган. 

Redmi Note 10 5G эса 6.5 дюймли 90Hz LCD дисплейи ва 18 ваттда қувват олувчи 5,000 мАс сиғимли аккумуляторга эга. 

ЎҚИНГ: Samsung Galaxy S22 серияси қайси санада тақдим этилиши маълум бўлди