Vensmile K8 компьютерини йиғиладиган клавитурага жойлаштиришди

Vensmile K8 компьютерини йиғиладиган клавитурага жойлаштиришди

Ҳозирда анъанавий кейсда ишлаб чиқариладиган компьютерлар аста-секин ўз ўрнини турли форм-фактордаги корпусларга бўшатиб бермоқда. Компьютер тайёрлайдиган компаниялар янада ихчам ва ноанъанавий шаклдаги қурилмалар ишлаб чиқаришга ҳаракат қилишмоқда.  Масалан, Vensmile K8 компьютери ҳам мана шундай ҳаракатларнинг бир намунаси сифатида яратилган.

5P3Rtfga5nq7MXJxmUJAbLXwcMpFHy

Компьютернинг юқори қисмида тачпад (сенсорли панель) ўрнатилган. Ён томонида эса турли зарурий портлар жойлаштирилган. Аммо энг қизиғи бу эмас. Ихчам тўртбурчак компьютер йиғиладиган клавиатуранинг бир қисмига ўрнатилган. Клавиатурада жами 87 тугма мавжуд.

5P3RtjYmdar4GkB7MXpQjXJdJd850N

Vensmile K8 моделига Intel Atom x5-Z8300 Cherry Trai процессори ўрнатилган, 4 ГБ тезкор ва 64 ГБ доимий хотирага эга. У икки оқимли Wi-Fi 802.11b/g/n ва Bluetooth 4.0 стандартини қўллаб-қувватлайди. Корпусда HDMI ва VGA портлари,  USB 3.0 ва USB 2.0, наушник ҳамда microSD-карта слотлари кўзда тутилган.

Янги мини-компьютер $200 нархида сотувга чиқарилиши ҳақида хабар берилган.