Vertu дунёдаги илк Web 3 смартфон чиқарди

Vertu дунёдаги илк Web 3 смартфон чиқарди

Британиялик ҳашаматли мобил телефонлар ишлаб чиқарувчи Vertu бренди ўзининг MetaVertu деб номланадиган Web 3 смартфонини тақдим қилди. Ўз номи билан қурилма учинчи авлод "ўргимчак тўри"га асосланган бўлиб, у ички ўрнатилган Value крипто-ҳамёнига эга. Қизиғи шундаки, смартфонда VoS билан Ethereum криптовалютасини майнинг қилиш мумкин. Шунингдек, VShot функцияси смартфонда олинган исталган суратни тўғридан-тўғри NFT'га айлантирса бўлади. Яна бир эътиборли функцияларнинг бири, Vtalk эса смартфон эгаларига қўнғироқ вақтида ҳам суҳбатни шифрлаш имконини беради.

Техник хусусиятларга келадиган бўлсак, 161.9х73.2х9.85 ўлчамдаги MetaVertu смартфони 6.67 дюймли, 144 герц янгиланиш тезлигига эга, AMOLED Ватерфалл, FHD+ (1080х2400), ён томонлари эгилган дипслей билан таъминланган ва у 1000 нит гача ёруғлаша олади.

Оптика борасида қурилма 16 мегапикселли олд ва учлик орқа: асосийси оптик тасвир стабилизаторига билан 64МП (Sony IМХ 787), иккинчиси 50МП ва учинчиси ҳам OIS билан 8МП перископ камераларга эга.

Капот остида қурилма 4 нанометрли Snapdragon 8 Gen 1 (5G) ва хавфсизлик учун қўшимча А5 чипида 12/18 ГБ оператив (LPDDR5) ва 512 ГБ/1 ТБ доимий (UFS 3.1) хотира билан Android 12'да ишлайди. Компаниянинг маълум қилишича, смартфон 9 қаватли иссиқликни тарқатувчи тизимга эга. Унинг бир кунга етадиган 4600 мА/с сиғимли батареяси USB Type-C (3.1 Gen 1) порти орқали 55 Вт тезликда, 20 дақиқа ичида тўлиқ қувватланади. Қолаверса смартфонни 15 Вт тезликда симсиз зарядлаш ҳам мумкин.

MetaVertu сериясида ташқи кўриниш билан фарқ қиладиган 10 хил моделни ўз ичига олади ва уларнинг нархи энг камида 3350 доллардан 41500 долларгачани ташкил қилади. Айтиш керакки, энг қиммат модел Ҳимолой тимсоҳи терисидан билан қопланган ва у 18К олтин, олмослар билан безатилган.

ЎҚИНГ: Samsung Galaxy А04e тақдим этилди

Сайтимизнинг энг чиройли расмларини Инстаграмдаги саҳифамизда томоша қилинг!