ВИДЕО: Дунёдаги энг митти телефон мустаҳкамлигини синаб кўришди

Смартфонсозлик саноати ривожланиб, тобора кучли ва ҳажман катта мобил қурилмалар ишлаб чиқарилмоқда. Аммо Clubit New компанияси жаҳондаги энг ихчам телефон – Zanco Tiny T1 (ёки Zanco T1) моделини яратган.

ЎҚИНГ: Дунёдаги энг митти телефон тақдим этилди (+видео)

Zanco T1 ўлчамлари ниҳоятда кулгили: унинг бўйи АА форматидаги (девор соати кабиларга қўйиладиган) батареядан кичкинароқ. Шунга қарамай, у тўлақонли телефон функцияларини бажара олади.

JerryRigEverything номли машҳур YouTube-канал муаллифи, таниқли видеоблогер Зак Нильсон шу миттигина телефоннинг мустаҳкамлигини синаб, сўнг «ичак-чавағини ағдариб» ҳам кўрди. Мана, бу жараённи бирга кузатамиз:

Кўриб турганингиздек, JerryRigEverything ўз анъанасига кўра, қурилма экранининг шикастларга чидамлилигини текширди. Zanco T1 дисплейи оддий пластик билан қопланган, шу боис унинг юзасини пичоқ ёки бошқа металл предмет билан тирнаш мумкин. Корпуси ҳам тирнашларга чидамли эмаслиги бу видеода яққол намоён бўлган.

Тирнашлардан кейин блогер Zanco T1 клавиатурасини намойиш этиб, телефонда динамик орқали сўзлашиб кўрсатган. Сўнгги синов эса олов остидаги текширув эди: зажигалка алангаси таъсирида митти гаджет экрани атиги 11 сонияда эриб кетди.

Охирида бўлса Зак Нильсон ушбу телефончанинг ичини ҳам очиб кўрсатди. Унда миттигина плата ва экран, шунингдек 190 мА/соат ток сиғимига эга батарея мавжуд.

ЎҚИНГ: ЭКСКЛЮЗИВ ВИДЕО: техноблогер 2018 йилнинг энг мустаҳкам флагманини синдиришга уриниб кўрди