ВИДЕО: Galaxy S20, S20+ ва S20 Ultra ўлчамини ўзаро ва бошқа флагманлар билан солиштирамиз

XDA Developers ресурси бош муҳаррири Макс Вайнбах (Max Weinbach) жанубий кореялик гигантнинг Galaxy S20 туркумидаги флагманлари сирларини очишда давом этмоқда. Энди у мазкур учала смартфоннинг корпуси ўлчамларини 3D-принтерда чиқарилган макетлари орқали таққослаб кўрсатди.

ЎҚИНГ: Ишлаётган ҳолдаги Galaxy S20+ «жонли» видео, расмлар ва скриншотларда!

Хабарингиз борки, Samsung 11 февралда намойиш этадиган Galaxy S20 туркумига стандарт флагмандан ташқари Galaxy S20 Plus ҳамда Galaxy S20 Ultra моделлари ҳам кирган. Улар орасида базавий Galaxy S20 смартфони энг ихчами экан – экрани диагоналига 6,2 ёки 6,3 дюймлик. Ўтган йилги Galaxy S10 дисплейи 6,1 дюймлик эди; Galaxy S20 корпуси уникидан узунроқ, лекин энсизроқ экан.

Экрани 6,7 дюймлик Galaxy S20+ корпуси ҳам «аждод»и – Galaxy S10+ флагманидан узунроқ, лекин унинг катталиги қўлга унча сезилмайди, деяпти Макс Вайнбах. Аммо туркумда янгича номга эга бўлган Galaxy S20 Ultra уларнинг энг каттаси бўлиб, ҳаттоки Galaxy Note 10 фаблетларидан ҳам йирик!

ЎҚИНГ: Рекордчи флагман – Galaxy S20 Ultra хусусиятлари ҳайратга солади!